Pendarovski do t’i lajmërohet Erdoganit për ekstradimin e Palevskit

Presidenti i shtetit Stevo Pendarovski mendon që ditëve të ardhshme t’i dërgojë mesazh presidentit turk Rexhep Taip Erdogan për ekstradim të Lupço Palevskit, i dyshuari i parë për vrasjet e Vanja Gjorçevskës dhe Pançe Zhezhovskit, që të ndodhë sa më shpejtë. Pendarovski në intervistë për 360 Gradë thotë se nuk duhet të lejohet që procesi të zgjasë tejmase, njofton Portalb.

“Kjo është punë e ministrit të Drejtësisë i cili këtë e ka bërë (dërgoi kërkesë për ekstradim), megjithatë rasti është voluminoz që të lëmë ashtu të zhvillohet përmes disa korridorëve burokratikë dhe ajo Zot mos thuaj të zgjasë me muaj ose me vite”, thotë Pendarovski i pyetur se nëse ka shanse që mund të akuzohet se po përzihet në pavarësinë e pushtetit gjyqësor në Turqi.

Në pyetjen se nëse është e mundur të ketë zvarritje nga pala turke, lidhur me kërkesat e Turqisë për dërgim të pjesëtarëve të FETO-s nga Maqedonia e Veriut, presidenti tha se personalisht deri te ai nga Erdogani në vitin 2019 ka ardhur një kërkesë e tillë si kusht që Turqia ta ratifikojë protokollin për inkuadrim të vendit në NATO.

“ia shpjegova situatën presidentit Erdogan nga të gjithë aspektet, duke e përfshirë edhe faktin jokontestues se ne dëshirojmë të bëhemi anëtare e Aleancës në të cilën ka edhe shtete të tjera përafërsisht të fuqishme të cilat ndaj nesh dërgojnë kërkesa tejet të kundërta, se nëse ajo edhe ndodhë do të kemi probleme të llojeve tjera me ratifikimie të tjera në të njëjtin proces të inkuadrimit. Erdogan tejet mirë më kuptoi dhe ditën e nesërme koordinatori në Parlamentin turk nga grupi i tij i deputetëve mori detyrë dhe për  orë e ratifikuan këtë marrëveshje, pa pasur kërkesa lidhur me ata  persona diçka konkrete. Edhe pse në atë kohë MPJ-ja jonë dha përgjigje decide se pjesë e konsiderueshme nga ata persona nuk janë në territorin tonë, ndërsa për të tjerët deri në atë shifër prej  personave kërkoi argumente plotësuese se bëhet fjalë për pjesëtarë të një aksioni terrorist”, tha Pendarovski.

Presidenti shtoi edhe se sipas informatave nga karakteri i inteligjencës të cilat ai i merr, pjesa më e madhe e të ashtuquajturve “Gjylenistë” nuk ndodhen më në vend.

“Deri tani kjo nuk është ngritur në asnjë nivel, edhe pse nuk ka nevojë që të ketë rast të këtillë që kjo çështje të ngritet. Autoritetet turke e dinin se në atë periudhë dhe pas rasteve të tjera ta ngrisin. Deri në këtë moment deri te unë nuk ka ardhur një kërkesë e tillë”, potencoi Pendarovski.

Kronologjia e ngjarjes tragjike

Vanja Gjorçevska u shpall e humbur më 27 nëntor nga nëna e saj, dhe u regjistrua në regjistrin e personave të zhdukur me fotografi portret dhe përshkrim të saj në faqen e MPB-së.
Më 28 nëntor Interpoli shpalli fletarrest ndërkombëtar për të.

Më 2 dhjetor u arrestuan pesë persona dhe u konfiskua një automjet që kishte lidhje me zhdukjen e saj.

Më 3 dhjetor u bë publike se është gjetur trupi i saj i pajetë. Gjithashtu, u lajmërua se u gjet i pajetë dhe trupi i 74-vjeçarit Pançe Zhezhovski. Në të njejtën ditë u caktua paraburgim 48 orësh për tre të dyshuarit, Vllatko Keshishov, Velibor Manevski dhe Bore Videvski ndërsa u bë e ditur se organizatori kryesor dhe kryerësi i vrasjes, Ljupço Palevski ishte arratisur. 

Më 4 dhjetor, në konferencë për shtyp Prokuroria dhe MPB dhanë detaje për rastin i cili ende hetohej, në të cilën u hodhën dyshime për përfshirjen e babait të saj Aleksandar Gjorçev. Motivi i vrasjeve thanë që është “interes financiar”. Në të njejtën ditë u shpall fletarrest ndërkombëtar nga Interpoli për Ljupço Palevskin. Më vonë u paraburgos dhe babai i saj.

Më 5 dhjetor, Prokuroria Publike konfirmoi se autopsia ka përfunduar, trupi i Vanjës i është dorëzuar familjes. Në të njejtën ditë u paraburgos dhe Stefan Dimkovski nën dyshimet se i ka ndihmuar Palevskit të largohet nga Bullgaria në Turqi. Ky i fundit u arrestua në Turqi, lajmëroi ministri i Punëve të Brendshme, ndërkaq u caktua paraburgim 30 ditor për  Vllatko Keshishov, Velibor Manevski, Bore Videvski dhe Aleksandar Gjorçev dhe 48 orë për transportuesin e Pallços.

Më 6 dhjetor, Ministri i Drejtësisë, Krenar Lloga nënshkroi kërkesën për ekstradimin e Lupço Palevskit. U publikuan të dhëna nga biografia e Palevskit, e pasur me krime të pandëshkuara, si dhe për ndihmësit e tij, të djathtët radikalë që thirren në devotshmëri ndaj zotit, janë të dyshuarit për vrasjen e dyfishtë: I bashkon partia “E DJATHTA”.

Më 7 dhjetor, u dërgua në Truqi kërkesa për ekstradimin e Lupço Palevskit dhe u caktuan 30 ditë paraburgim për shoferin e Palevskit, Stefan Dimkovski.

Më 10 dhjetor, Prokuroria apeloi që mos të spekulohet në media dhe rrjete sociale sepse raporti i autopsisë së Vanjës, nuk është ende gati.

Më 11 dhjetor, ministri i Punëve të Brendshme Oliver Spasovski theksoi në rrjedhë është ekspertiza e dy armëve të zjarrit, të cilat janë gjetur dhe kanë të bëjnë me vrasjen e dyfishtë. Presidenti Stevo Pendarovski tha se do të kërkojë nga presidenti turk Rexhep Taip Erdogan ekstradim të Palevskit.

• • LEXO: Lloga për ekstradimin e Palevskit: Besoj se të gjithë kërkesat tona do të ndërmerren në procedurë të mëtejme në Turqi
  • LEXO: Të djathtët radikalë që thirren në devotshmëri ndaj zotit, janë të dyshuarit për vrasjen e dyfishtë: I bashkon partia “E DJATHTA”
    
  • LEXO: Biografia e të dyshuarit kryesor për vrasjen e 14-vjeçares Gjorçevska, Lupço Palevski, e pasur me krime të pandëshkuara
  • LEXO: Vrasja e 14-vjeçares Vanja, paraburgim 30 ditor për pesë persona, përfshi dhe babain e saj
    
  • LEXO: I dyshuari i parë për vrasjen e 14 vjeçares, Palevski është arrestuar në Turqi, Spasovski pret ekstradim të shpejtë (VIDEO)
    
  • LEXO: Detaje për vrasjen e 14-vjeçares: Lupço Palevski organizator dhe kryerës i vrasjes, dyshime dhe për përzierje të babait