Kryeredaktore e Portalbit:

Gazetarët – verifikuesit e fakteve (fact-checkers):

Përkthyes dhe lekturë:

Kontakt email: 

[email protected]

Kontakt telefona:

02 32 22 336;
070 213 078;
070 213 076;
070 213 401;
071 355 723;

Adresa:
Franklin Ruzvelt, 19, 1000, Shkup
Republika e Maqedonisë së Veriut

Portalbi është projekt i organizatës Inovative Media.
Kontakt e-mail: innovativemediamk[AT]gmail.com

Kontakt telefon: +389 (0)2 32 22 336

PARIMET E REDAKSISË

Portalb u krijua më 6 prill 2012.
Në Portalb, jemi të angazhuar të ofrojmë gazetari të cilësisë së lartë dhe të besueshme që fuqizon publikun me informacion të besueshëm. Në një botë ku dezinformatat shpërndahen shumë shpejtë, besojmë se gazetaria e besueshme është thelbësore për funksionimin e demokracisë. Misioni ynë është të informojmë, angazhojmë dhe frymëzojmë duke ofruar lajme dhe analiza që respektojnë vlerat themelore të lirisë, të drejtave të njeriut dhe pluralizmit. Ne jemi të angazhuar për standardet më të larta të profesionalizmit, duke siguruar që gazetarët tanë të kenë pavarësinë dhe përgjegjësinë për të raportuar saktë dhe pa paragjykime.

Për të realizuar misionin tonë, ne përqafojmë një qasje të larmishme dhe inovative ndaj gazetarisë. Ne mbështesim gazetarinë konstruktive, e cila nuk thekson vetëm sfidat, por gjithashtu jep zgjidhje të problemeve. Angazhimi ynë për gazetarinë analitike siguron mbulimin e thelluar dhe të kujdesshëm të problemeve komplekse që ndikojnë në komunitetet tona, duke mundësuar që publiku të marrë vendime të informuara. Shërbejmë si urë lidhëse mes komuniteteve të ndryshme që jetojnë në vendin tonë.

Përtej raportimit të fakteve, ne angazhohemi për të luftuar dezinformimin dhe përforcuar aftësitë e edukimit mediatik. Qëllimi ynë është të përmirësojmë aftësitë e gazetarëve dhe të publikut për të shfrytëzuar më mirë informatat. Duke promovuar dialogun e hapur, mendimin kritik dhe kuptimin kulturor, ne kontribuojmë në një shoqëri më të informuar, të angazhuar dhe më të qëndrueshme, një shoqëri që është më e aftë të përballet me sfidat e botës moderne.

Portalbi është pjesë e Iniciativës së Besimit në Gazetari, rrjet ku marrin pjesë mediat botërore transparente, kredibile dhe të besueshme. IBG i inkurajon organizatat mediatike të prodhojnë raporte që prezantojnë në detaje se si ato i respektojnë të drejtat e njeriut, i përmbahen etikës së gazetarisë dhe i përshkruajnë strukturat e tyre të pronësisë dhe politikat redaktuese. Raporti i Portalbit mund të gjendet në këtë link: Show Transparency Report.

Korigjime dhe sqarime

Të gjithë kërkesat për korrigjime dhe sqarime mund të dërgohen në afat prej 30 ditësh me sqarimin për materialin për të cilin kërkohet korrigjimi nëpërmjet emailit: [email protected].

Këtu mund të dorëzohen vërejtje për përmirësim për të pavërteta, gabime ose paqartësi eventuale për të cilat vlerësohet se duhet të korrigjohen. Personat përgjegjës do t’i trajtojnë vërjetjet dhe në afat prej 2 ditësh do të dorëzojnë përgjigje adekuate.

Informacioni për çdo korrigjim ose plotësim, i krijuar në bazë të kërkesës nga ndonjë anëtar i publikut, do të theksohet qartë në fillim të çdo shkrimi për të cilin bëhet fjalë. Personat të cilat janë të prekur personalisht dhe duan të marrim përgjigje të drejtpërdrejtë në postën e tyre elektronike, luten që ta theksojnë këtë në mesazhin e tyre me të cilin kërkohet korrigjim ose sqarim.

Ky udhëzues për korrigjimet dhe sqarimet bazohet në dokumentin e titulluar Politika e Korrigjimeve dhe Sqarimeve dhe vlen për të gjitha botimet e tij (siç është Portalbi). Nenet nga Kushtetuta e Republikës së Maqedonisë së Veriut dhe ligjet mbi të cilat është krijuar ky dokument mund të gjenden këtu (Shtojca 1).

Shtojcë: Kërkojmë që përdoruesit e rrjeteve sociale që janë administratorë të faqeve/grupeve ose pronarë të profileve dhe që kanë komente mbi publikimet e Portalbit në lidhje me përmbajtjet e shpërndara nga faqet/grupet/profilet e tyre, t’i paraqesin ato brenda 7 ditëve nga publikimi i artikullit, sepse pas kësaj periudhe nuk mund të bëjmë ndryshime në vlerësimet e dhëna për arsye teknike që lidhen me vetë funksionimin e faqeve të rrjeteve sociale. Faleminderit për mirëkuptimin!

KODI ETIK DHE KODI I SJELLJES

Portalb.mk punon për të ndërtuar një shoqëri ku qytetarët/et e angazhuar/a dhe të vetëdijshëm/me i realizojnë të drejtat dhe përgjegjësitë e tyre qytetare dhe janë të përfshirë/a në krijimin e politikave që e promovojnë barazinë.

Kodi i sjelljes thekson barazinë gjinore në formën mediatike, si dhe në sigurimin e mundësive të barabarta për të gjithë të punësuarit, pa dallim të gjinisë, orientimit seksual apo identitetit të tyre. Kodi fokusohet në nxitjen e një mjedisi pune gjithëpërfshirës dhe të barabartë, të çliruar nga diskriminimi dhe stereotipet.

Nëpërmjet të krijimit të një politike gjinore dhe gjithëpërfshirëse ne e përforcojmë përkushtimin e Portalbit për promovimin e barazisë gjinore në organizatë, e cila reflektohet në:

  • Punën e organizatës në të gjitha projektet;
  • Strukturën dhe sjelljen organizative dhe
  • Krijimin e imazhit publik.

Këto parime, në përgjithësi, krijojnë një kornizë e cila është e dizajnuar për të siguruar besueshmëri dhe përgjegjësi në industrinë mediatike, gjë që është thelbësore për ruajtjen e besimit të publikut dhe për garantimin e raportimit të drejtë dhe etik.

Dispozitat hyrëse

Kodi i sjelljes rezulton me obligime dhe të drejta të punonjësve/eve në media (gazetarë/e, redaktorë/e, kameramanë/e, menaxher/e, punonjës/e administrativ/e, etj.) të punësuar/a në Portalb.mk.

Punonjësit dhe punonjëset e mediave do të punojnë në pajtim me Kushtetutën e Republikës së Maqedonisë së Veriut, Ligjin për Informacionin me Karakter Publik, Kodin Etik të Gazetarëve të Republikës së Maqedonisë së Veriut, ligjet e tjera relevante (për shembull: Ligji për Barazi Gjinore, Ligji për Ndalimin e Diskriminimit, Ligji për Parandalimin e Ngacmimit në Vendin e punës, dhe ligje të tjera relevante), si dhe Statutin dhe aktet e tjera të brendshme të Portalb.mk.

Bazë e këtij Kodi janë vlerat themelore për të cilat angazhohet Portalb.mk. e që janë: barazia, respekti dhe toleranca, etika dhe integriteti, llogaridhënia dhe transparenca.

II   PËRGJEGJËSITË E PUNONJËSVE/EVE DHE GAZETARËVE/EVE NË MEDIA

Gazetarët/et duhet të veprojnë në përputhje me të gjitha dispozitat e këtij Kodi dhe parimet kryesore të profesionit të gazetarisë.

Gazetarët/et duhet të jenë të saktë/a dhe objektivë/e gjatë verifikimit të fakteve, gjatë raportimit dhe gjatë prezantimit të informacionit.

Gazetarët/et duhet t’i respektojnë të drejtat themelore të individëve/eve dhe të ftuarve/ave që do të intervistohen ose do të prezantohen në emisionet/përmbajtjet mediatike/tekstet/deklaratat e tyre.

Gazetarët/et asnjëherë nuk duhet të nxisin gjuhë të urrejtjes.

Gazetarët/et duhet t’i shmangin konfliktet e interesit gjatë çdo raportimi/njoftimi/deklarate.

Gazetarët/et duhet ta respektojnë të drejtën e autorit dhe të mos kopjojnë lajme nga media të tjera pa leje ose pa e cituar në mënyrën e duhur burimin.

Gazetarët/et duhet t’i shmangin lajmet sensacionale dhe të rreme që mund të krijojnë panik ose të manipulojnë me opinionin publik.

Gazetarët/et nuk duhet të publikojnë apo raportojnë pa miratimin e redaktorit/es. Të gjitha lajmet ose informacionet e publikuara duhet të kontrollohen me kujdes dhe të miratohen nga redaktori/ja.

III.  BARAZIA GJINORE

Gazetarët/et duhet të kujdesen për mbrojtjen e privatësisë të të gjithë njerëzve, sidomos kur bëhet fjalë për të dhënat personale për seksualitetin dhe identitetin gjinor, si dhe për viktimat e dhunës.

Gazetarët/et duhet ta promovojnë gjithëpërfshirjen dhe diversitetin në mënyrë aktive, duke ofruar platforma që të mund të dëgjohen të gjithë, pa dallim të seksit, gjinisë, orientimit seksual ose identitetit të tyre.

Një vëmendje e veçantë duhet t’i kushtohet përforcimit të zërit të grave dhe pakicave seksuale dhe gjinore në sferën mediatike.

Gazetarët/et do të avokojnë për prezencë dhe prezantim më të madh të grave në media.

Gazetarët/et duhet të angazhohen në mënyrë objektive t’i prezantojnë shembujt e suksesshëm të grave dhe të bëjnë një përpjekje të veçantë për të përfshirë shembuj nga komunitetet e margjinalizuara, si për shembull pjesëtaret e komuniteteve etnike, sipërmarrëset, gratë nga zonat rurale, nënat vetushqyese, gratë e papunësuara, gratë e paarsimuara, gratë në politikë, etj. Njohja e publikut me perspektivat dhe përvojat e grave në fusha të ndryshme shërben si frymëzim për brezat e ardhshëm.

Gazetarët/et vazhdimisht duhet t’i avancojnë njohuritë e tyre lidhur me barazinë dhe ndjeshmërinë gjinore, që të mund t’u qasen në mënyrën e duhur temave që kanë të bëjnë me çështjet gjinore dhe tema të tjera të ngjashme.

Gazetarët/et duhet të jenë të vetëdijshëm/me se përmes raportimit të tyre mund dhe duhet të kontribuojnë në mënyrë aktive në promovimin e barazisë dhe respektit për të gjitha gjinitë.

Gazetarët/et e Shoqatës “Mediat Inovative-Shkup” janë të vetëdijshëm/me se roli i tyre nuk është vetëm informimi, por edhe edukimi i audiencës përmes temave që kanë të bëjnë me të drejtat e njeriut dhe barazinë gjinore, gratë në biznes, aspektet gjinore të teknologjive të reja, dhunën në familje etj.

  1. PËRGJEGJËSIA E REDAKTORIT/ES

Redaktori/ja është i/e detyruar t’u përmbahet dispozitave të këtij Kodi dhe të punojë në mënyrë aktive për të krijuar një mjedis pune motivues, profesional dhe të barabartë.

Redaktori/ja ka për detyrë ta informojë gazetarin/en nëse në përmbajtjen e tij/saj janë bërë ndërhyrje editoriale.

Redaktori/ja duhet t’i mbrojë të drejtat e të punësuarve në media, duke përfshirë këtu mbrojtjen nga ngacmimi seksual, nënçmimi ose përdorimi i shprehjeve vulgare dhe diskriminuese.

  1. POLITIKA E REKLAMAVE

Portalb.mk. mban të drejtën të refuzojë reklama që promovojnë pabarazi, diskriminim, seksizëm, mizogjini, dhunë, sensacionalizëm dhe që janë në kundërshtim me vlerat thelbësore për të cilat ajo avokon.

  1. MENAXHMENTI

Roli i menaxhmentit/kryetarit/es:

Përfaqëson parimin e barazisë për të gjithë të punësuarit.

Vendos qëllime dhe indikatorë të definuar qartë për baraspeshë gjinore, përfshirë këtu edhe matjen e përfaqësimit gjinor në sektorë të ndryshëm;

I nxit të punësuarit të përmirësohen vazhdimisht përmes punës dhe edukimit në fusha të ndryshme, veçanërisht në atë për të drejtat e njeriut dhe barazinë gjinore;

Nxit një atmosferë pune të bazuar në barazi, vlerat e lartpërmendura, mosdiskriminim, mundësi të barabarta dhe përfshirje.

VII.  DISPOZITA PËRMBYLLËSE

Të gjithë të punësuarit kanë përgjegjësi të njihen me të gjitha parimet e këtij Kodi.

Të gjithë të punësuarit pjesë e Portalb.mk. janë të detyruar që Kryetarit/es të Shoqatës t’ia raportojnë çdo shkelje të këtij Kodi.

Zbatimi i këtij Kodi do të shqyrtohet çdo dy vjet në mbledhjet e rregullta vjetore të organeve udhëheqëse të Portalb.mk.

Kryetari/ja i/e Shoqatës dhe Kryetari/ja i/e Këshillit Drejtues të Portalb.mk. janë përgjegjës për mbrojtjen dhe zbatimin e Kodit.

 

Nënshkruar nga kryeredaktorja e Portalb.mk, Elida Zylbeari: Versioni në shqip. Versioni në anglisht.