Platforma e Organizatave Kundër Korrupsionit kërkon të merret përgjegjësi për incidentin në M-NAV

LajmeLajme kryesoreMaqedoni
By Arbnora Miftari
Platforma e Organizatave të Shoqërisë Civile për Luftë Kundër Korrupsionit
Darko Aramovski, Snezhana Kamilovska Trpovska dhe Misha Popoviq nga Platforma e Organizatave të Shoqërisë Civile për Luftë Kundër Korrupsionit në konferencë për shtyp

Platforma e organizatave civile kundër korrupsionit, në një letër të hapur dërguar mediave, kërkon që institucionet e sistemit të zbardhin plotësisht detajet rreth incidentit të dhunshëm në M-NAV, të ndodhur më 4 janar, transmeton Portalb.mk.

Platforma përbëhet nga 18 anëtarë – organizata që punojnë në tema të anti-korrupsionit, sundimit të ligjit dhe qeverisjes së mirë.

“Ne besojmë se duhet të mbrohen të gjithë ata që në mjedisin e tyre të punës, veçanërisht në sektorin publik, avokojnë dhe veprojnë kundër punësimeve partiake, pavarësisht nga kombësia e punësimit”, thuhet në njoftim.

Sipas tyre, çdo sulm ndaj atyre që kanë vendosur të ngrihen për mbrojtjen e ligjshmërisë në punësim, paraqet një kërcënim serioz për qeverisjen e mirë, luftën kundër korrupsionit dhe klientelizmit dhe do të veprojë si dekurajues për iniciativat e ardhshme të ngjashme potenciale të punës. kolektive në sektorin publik.

“Lufta kundër korrupsionit është detyrë e të gjithëve, ndaj duhet të mbrohen dhe inkurajohen iniciativat që vijnë nga sektori publik. Prandaj Platforma i kërkon Komisionit Shtetëror për Parandalimin e Korrupsionit, Auditimit Shtetëror dhe Prokurorisë Publike që të hetojnë të gjitha indikacionet për korrupsion apo rreziqet e korrupsionit në funksionimin e M-NAV që janë vënë në dukje deri më tani. për shkak të nevojës për të krijuar një sistem në të cilin do të trajtohen sinjalet e abuzimit në operacion. Vetëm në këtë mënyrë sistemi do t’u demonstrojë dëshmitarëve të kaluar dhe të ardhshëm të korrupsionit brenda institucioneve se ka kuptim raportimi i korrupsionit dhe se do të veprohet sipas dëshmive të tyre”, thuhet në njoftim.

Platforma kërkon një reagim vendimtar të policisë dhe prokurorisë publike për të vendosur përgjegjësinë penale dhe për të mundësuar mbrojtjen e atyre që raportojnë, dhe nga Qeveria si themelues i M-NAV-së që të vendosë përgjegjësi morale dhe politike mes të përfshirëve.

Kronologjia e ngjarjeve

Sulmi i 4 janarit nga të dyshuarit në krye me Nezirin, në Navigacionin e Maqedonisë ndodhi pasi kryetari i Sindikatës së Kontrollorëve të Trafikut Ajror, Aleksandar Tasevski më 4 janar mbajti konferencë për shtyp së bashku me kontrolluesit e tjetë të fluturmeve, duke informuar se anëtarët e Sindikatës janë nën presion të shtuar nga menaxhmenti i M-NAV për shkak të kundërshtimit të sindikatës lidhur me shpalljen e fundit për punësime.

Nuk është hera e pare që Bekim Neziri sulmon të punësuarit në këtë institucion, ai në vitin 2010 ka rrahur edhe një kontrollor të trafikut ajror.

Më 5 janar, Neziri së bashku me tre të tjerë në pranga u dërgua në Gjykatën Themelore Penale – Shkupi 1 dhe për to u caktua “masë kujdesi” dhe jo paraburgim siç kërkoi paraprakisht Prokuroria Publike.

Gjykata Themelore Penale në Shkup më 7 janar në një komunikatë ka sqaruar arsyet pse ka refuzuar propozimin e Prokurorisë për paraburgim. Prokuroria nga ana tjetër doli me kundër reagim duke theksuar se ka argumente për paraburgim.

Ky incident, që konsiderohet si shumë i rëndë për faktin se bëhet për një nga institucionet më të rëndësishme të fluturimeve civile, ka bërë që Qeveria e RMV-së të njoftojë se në seancën e radhës, më 9 janar, t’i shkarkojë të gjitha strukturat drejtuese. Presidenti i shtetit, Stevo Pendarovski e ka përkrahur vendimin e Qeverisë ndërsa Sindikata pret që qeveria ta përmbushë premtimin e saj në të kundërtën më 10 janar do të mbyllet hapësira ajrore e vendit.

Nga ana tjetër, drejtori i Kontrollit të Fluturimeve Civile, Fahrudin Hamidi në konferencë për media më 5 janar, tha se “hapësira ajrore e Maqedonisë së Veriut është e sigurt” dhe se asnjëherë nuk ka qenë e rrezikuar. Ai theksoi se “personat që e kanë mbështetur grevën, janë të mashtruar nga kryetari sindikatës”, të cilin Hamidi e akuzon për “sabotim të punës” në kohën kur, sipas tij, ky institucion ka kaluar një krizë të rëndë financiare dhe është kompletuar me “kuadër të kualifikuar”.

Përplasjet në M-NAV filluan në dhjetor 2023, kur sindikata akuzoi menaxhmentin për punësime partiake. Shpalljet, siç deklaruan nga Sindikata e Kontrollorëve të Trafikut Ajror, janë joligjore, ndërsa personat që punësohen janë të përzgjedhur paraprakisht nga partitë politike. Ata disa herë kërkuan tërheqjen e shpalljeve, për të cilat drejtori Fahrudin Hamidi tha se ato shpallje janë “padyshim ndonjë gabim”.

Në faqen e Agjencisë së Punësimit u publikuan dy shpallje nga M-NAV, të cilat ishin për dy ditë nga 14 deri më 16 dhjetor dhe nga 15 deri më 17 dhjetor 2023, përkatësisht për “këshilltar të pavarur për çështje të personelit” dhe për “navigator të aviacionit”.

Për shpalljet në fjalë, Sindikata kërcënoi se do të hyjë në grevë gjatë periudhës së festave, mirëpo e njëjta u anulua “për disa arsye operacionale”.

Lajme të ngjashme Më shumë nga ky autor