RMV, tre zjarre në ambient të hapur janë nën kontroll, ndërsa një është shuar
Qendra për Menaxhimin e Krizave (QMK) njoftoi se deri në orën 12:00, në të gjithë vendin ishin regjistruar gjithsej katër zjarre në hapësirë të hapur, tre prej të cilave ishin nën kontroll, dhe një zjarr ishte shuar, transmeton Portalb.mk.
Zjarri në Komunën e Makedonski Brodit në zonën shumëfunksionale “Jasen” ku po digjet pyll i përzier është nën kontroll. Në Komunën e Gjevgjelisë, zjarri në malin Kozhuf është nën kontroll. Zjarri në Komunën e Dolneni pranë fshatit Dolgaec, ku po digjet pyll i përzier, është gjithashtu nën kontroll.
Siç raportoi QMK, një zjarr në Komunën e Kumanovës në rrugën “Done Bozhinov” ku po digjej deponi plehrash është shuar.
Në RMV është ndaluar lëvizja në pyje që nga 1 korriku e deri në fund të gushtit.
Në seancën e 7 gushtit, Qeveria e Maqedonisë së Veriut vendosi të zgjasë gjendjen e jashtëzakonshme për 30 ditë. Madje, në vitin 2024, 126 zjarre pyjore dogjën mbi 94.000 hektarë në Maqedoni, që është pothuajse aq sa dhjetë vitet e mëparshme së bashku, sipas të dhënave nga Sistemi Evropian i Informacionit për Zjarret në Pyje (EFFIS).