Mbi 36 zjarre në Maqedoninë e Veriut në 24 orët e fundit
Në 24 orët e fundit ka pasur mbi 36 zjarre në ambiente të jashtme, ndërsa 4 konsiderohen ende aktive, informuan nga Qendra për Menaxhim me Kriza (QMK), transmeton Portalb.mk.
Krahas zjarreve “dimërore” në ambient të hapur, 24 orët e fundit zjarrfikësit kanë shuar edhe mbeturina dhe kontejnerë të djegur në ambient të hapur në territorin e shtetit.
Një nga zjarret në 24 orët e fundit ka qenë në afërsi të fshatit Vinicë të Shkupit Mali i zi (Komuna e Gazi Babës), por për shkak të paaksesueshmërisë së terrenit, zjarrfikësit e Brigadës së Zjarrfikësve të Qytetit të Shkupit nuk kanë mundur të intervenojnë menjëherë.
Dje është raportuar edhe për dy zjarre në hapësirë të hapur, një mbi fshatin Dobërdoll, komuna e Vrapçishtit dhe mbi fshatin Korita në pjesën e Forinës, komuna e Gostivarit. Fillimisht zjarri në afërsi të Dobërdoll ka qenë në arë, por gjatë djegies ka dalë jashtë kontrollit dhe vendi ka qenë i vështirë i aksesueshëm për shkak të kufijve të zonës me rrugë dhe lumë.
Qasje e vështirë për zjarrfikësit ka edhe zjarri mbi fshatin Koritë. Gjatë natës ekipi i NP “Pyjet Kombëtare” – filial “Sharr” nuk ka mundur të intervenojë për arsye sigurie. Ekipi do të ndërhyjë gjatë ditës nëse zjarri është ende aktiv.
Ndryshe, QMK-ja raportoi paraprakisht se tre persona humbën jetën nga zjarret, njëri prej të cilëve po shuante zjarrin jashtë në arën e tyre pranë fshatit Psaçë, një në një zjarr në një shtëpi në fshatin Kosevicë dhe një person në një zjarr në fshatin Oxhalia në Komunën e Karbincit.
Kujtojmë se në ditët e fundit janë regjistruar dhjetëra zjarre në ambiente të jashtme. Sipas të dhënave të Qendrës për Menaxhim me Krize, janë djegur pyje me kërcell të ulët dhe bimësi tjetër, si dhe zjarrfikësit po shuanin mbeturinat dhe djegien e kontejnerëve. Zjarret janë vërejtur pothuajse në çdo pjesë të vendit, në Malin Sharr dhe në malin Zheden, në rrethinën e Shkupit, Prilepit, Ohrit, Velesit, Dellçevës, Kumanovës, Tetovës, Çeshinovës… Një pjesë e madhe e tyre janë të lidhura me moti i ngrohtë dhe fillimi i punimeve bujqësore dhe përgatitjet e kullotave, që në vendin tonë tradicionalisht bëhen me djegien e kashtës.