Agjencia për menaxhimin e pasurisë së konfiskuar shiti një pjesë të pasurisë së Mijallkovit, ka mbledhur 244 mijë euro

Agjencia për menaxhimin e pasurisë së konfiskuar me sukses ka zbatuar dhe realizuar shitjen e gjithsej tri patundshmërive të konfiskuara nga ish-shefi i Drejtorisë së Sigurisë dhe Kundërzbulimit, Sasho Mijalkov, në përputhje me aktgjykimin përfundimtar për rastin “Perandoria”, transmeton Portalb.mk.

“Bëhet fjalë për tri pasuri të paluajtshme që sipas aktvendimit gjyqësor të formës së prerë janë konfiskuar nga Sasho Mijalkov. Mjetet e realizuara nga shitja do të rrisin buxhetin e shtetit në vlerë të përgjithshme prej 15.000.500 denarë ose 244.000 euro”, njofton Agjencia.

Në gusht të këtij viti Agjencia për Menaxhimin e Pasurisë së Konfiskuar ka publikuar një njoftim në të cilin një pjesë e paluajtshmërisë së konfiskuar nga Sasho Mijalkov është ofruar për rastin “Perandoria”, ndërsa tenderimi është caktuar për 25 gusht.

Në shitje janë ofruar dy banesa në Ohër, njëra prej të cilave është 65 metra katrorë me vlerë të llogaritur prej 5.775.234 milionë denarë nga Byroja e ekspertizës ligjore, ndërsa tjetra në të njëjtin objekt prej 114 metrash katrorë me vlerë 9.032.505 denarë, si dhe tokë prej 56.818 metra katrorë afër Moranës në Komunën e Studeniçanit afër Shkupit me vlerë fillestare prej 17.045.421 denarë dhe një parcelë e vogël prej 321.81 metra katrorë anë vendin Xhibarica në Kozhuf me vlerë 29.686 denarë. Të gjitha në një vlerë totale prej rreth gjysmë milioni euro.

Rasti “Perandoria” ishte hapur nga ish-Prokuroria Publike Speciale në vitin 2018, për bashkim kriminal, dëmtim apo fuqizim të kreditorëve, keqpërdorim të pozitës dhe autoritetit zyrtar, mashtrim dhe pastrim parash dhe rendimente të tjera të veprës penale.

Në hetim janë përfshirë 19 persona, por disa prej tyre në ndërkohë e kanë pranuar fajësinë dhe janë marrë vesh me Prokurorinë Themelore Publike për ndjekjen e krimit të organizuar dhe korrupsionit, pjesërisht procedura është ndërprerë për shkak të parashkrimit, pjesërisht ka pasur vendime për ndërprerjen e procedurës.

Marrëveshje kanë arritur shtatë persona, ndër të cilët më të njohurit janë emrat e ish-drejtorit të DSK-së, Sasho Mijalkov dhe biznesmenit Jordan (Orce) Kamçev.

Përveç pasurisë, aksioneve dhe parave të sekuestruara, Mijallkov është dënuar edhe tre vjet burg për rastin “Perandoria”.

Para se të dërgohej në vuajtje të dënimit, ai ndërroi adresën e tij nga Shkupi në Ohër, gjë që i mundësoi të shkonte në burgun e hapur në Strugë.

• LEXO: Banesat e Mijallkovit në Ohër do të shiten për thuajse dy mijë euro për metër katror
• LEXO: Filloi shitja e pronës së konfiskuar të Mijallkovit në rastin “Perandoria”
• LEXO: Lëndë të vjetërsuara, drejtësi e ngadalshme – pse lëndët gjyqësore zvarriten nëpër labirinthe?
• LEXO: Ministri Lloga dhe drejtori Nebiu diskutuan edhe për konfiskimin e pasurisë së Sasho Mijallkovit dhe të dënuarve tjerë