RMV, nesër bëhet i ditur plani i MASh-it për dorëzimin e teksteve nga reforma e re

By N. D. On 26/09/2023 14:00

Ministria e Arsimit dhe Shkencës MASH, foto: Fisnik Xhelili/Portalb.mk

Tekstet për klasën e tretë janë kompletuar dhe janë dorëzuar në të gjitha shkollat fillore. Për klasën e gjashtë janë miratuar tekstet për gjuhën maqedonase, shqipe, shkencat natyrore, të cilat janë për përpunim dhe shtypje grafike dhe teknike. Është miratuar edhe teksti i Matematikës, por për procedurën e ankesës do të duhen pesë ditë, njoftoi sot ministri i Arsimit dhe Shkencës Jeton Shaqiri,, transmeton Portalb.mk.

I pyetur për dorëzimin e teksteve në arsimin fillor, veçanërisht për ato që përgatiten sipas planprogrameve të reja (të tretë dhe të gjashtë), për të cilat ai deklaroi në fillim të vitit shkollor se do të jenë gati në javën e parë të shtatorit, gjegjësisht deri në fund të këtij muaji (për klasën e gjashtë), Shaqiri tha se nesër Ministria e Arsimit do të ndajë informacione të sakta me plan për dorëzimin e teksteve nga reforma e re në të gjitha shkollat, nga klasa e parë deri në klasën e gjashtë.

“Më gëzon fakti që tekstet për klasën e tretë janë plotësuar të gjitha dhe janë dorëzuar në të gjitha shkollat fillore. Sa i përket teksteve për klasën e gjashtë, gjithashtu më gëzon fakti që Komisioni Kombëtar ka miratuar tekstet e gjuhës maqedonase, të gjuhës shqipe, të shkencave të natyrës dhe të matematikës, për të cilat do të duhet të presë edhe pesë ditë procedura e ankesës”, tha Shaqiri, duke iu përgjigjur pyetjeve të gazetarëve pas hapjes së Konferencës ministrore për cilësinë e arsimit të lartë në Ballkanin Perëndimor.

Dorëzimi i teksteve vazhdon, tha ai, në arsimin e mesëm, ku pas një periudhe të gjatë dhjetëvjeçare nuk kishte tekste shkollore.

“Disa botues që kanë të drejta pronësie në biznesin botues kërkuan shtyrjen e kontratës që kishin deri më 1 shtator, kërkuan edhe 30 ditë të tjera dhe deri në fund të shtatorit në të gjitha shkollat e mesme, sipas kërkesave të tyre, në të arsimin e mesëm shkollor, do të shpërndahen të gjitha tekste”, shtoi Shaqiri.

Lidhur me ushqimin e subvencionuar të studentëve, i cili do të aplikohet me fillimin e vitit akademik, pra nga java e ardhshme, ministri kujtoi se shuma ditore është rritur nga 120 në 140 ditë dhe bëri me dije se Ministria e Arsimit do të shpallë nesër operatorët ekonomikë ku studentët do të mund të shpenzojnë subvencionimin e ushqimit me kartën e dedikuar të pagesës të lëshuar nga Sparkasse Bank.

“Kërkesa e studentëve për rritje nga 120 në 140 denarë është arritur, kërkesa për shpenzim sistematik ditor të atyre parave është zgjidhur në një bankë të caktuar e cila ka shfaqur interes për të, dhe rrjeti është edhe më i gjerë me operatorët ekonomikë ku munden të realizojnë shumën për vaktin e studentëve”, tha Shaqiri.

I pyetur nëse shuma prej 140 denarë për një vakt në ditë është e mjaftueshme duke pasur parasysh inflacionin, ai u përgjigj se ligji përcakton se do të bëhen krahasime dhe analiza që të rritet vlera gjatë përgatitjes së buxhetit për vitin e ardhshëm.

Konfirmimi se nxënësit e klasave të treta dhe të gjashta nuk do të marrin tekste të reja sipas Konceptit të ri për arsimin fillor, erdhi në fund të gushtit nga përgjegjës të Ministrisë së Arsimit dhe Shkencës.

Ministri Shaqiri ka premtuar se vonesa nuk do të jetë si vitin e kaluar shkollor e cila, siç tha, “nuk ka qenë i lehtë” sepse ka pasur programe të reja mësimor për katër klasa. Ky do të jetë vit ndryshe shkollor për shkak se MASH-i, theksoi Shaqiri, po përgatitet nga fillimi i këtij viti kalendarik.

Ndryshe, fëmijët e klasave të para, të dyta, të katërta dhe të pesta, materialet mësimore të të cilëve ndryshoheshin, nuk kishin libra vitin e kaluar shkollor. Në vend të librave, Ministria e Arsimit, së bashku me Byronë për zhvillimin e arsimit, edhe atëherë përgatitën materiale për të ruajtur vazhdimësinë e teksteve.

Për disa klasa vonesa e teksteve vitin e kaluar zgjati deri në gjysmëvjetorin e dytë.