Diabetikët morën terapinë, 700 nuk do të shpohen, por do të jenë me sensorë

Terapia antidiabetike dhe gjilpërat e insulinës janë lëshuar, së bashku me terapitë e reja. Kjo është ajo që ne po kërkonim. Tani po lëshohet terapia e fundit, pasi ndërkohë, këtë javë është lëshuar rreth 95 përqind e terapisë, thotë në deklaratë për MIA-n  kryetari i Lidhjes së Shoqatave të Diabetikëve, Dimçe Velev.

Më 11 gusht Ministria e Shëndetësisë kishte paralajmëruar takim me përfaqësues të Lidhjes, por Velev thotë se pret që në çdo moment t’i thërrasin.

“Ndërkohë, lëshojnë edhe terapi antidiabetike, që nga sot po i nxjerrin të gjitha bashkë me terapitë e reja, jo vetëm në sistem, por realisht janë lëshuar. Është punë e kompanive dhe burimeve të tyre të shpërndarjes, presim efikasitet të shpejtë”, thotë Velev.

Mbetet e hapur çështja për atë se çka do të bëhet me ndryshimin e sistemit për glukomerat dhe shiritat.

“Tenderi është nënshkruar dhe brenda pak javësh, sa më shpejt, pritet të dorëzohen 40 mijë glukometra dhe 700 sensorë për fëmijë. Dy sensorë do të jenë të rinj. Për herë të parë në 30 vjet, shteti prezanton sensorë për fëmijët deri në 18 vjeç. Çdo fëmijë deri në moshën 18 vjeç, fëmijët e verbër, si dhe ata me diabet gestacional do të marrin një sensor. Është një ndryshim. Për shtatëqind fëmijë nuk do të ketë më shpime të glukometrit, por do të jenë me sensorë”, tha Velev.

Ai thotë se duan që të gjithë njerëzit me tipin një të marrin sensorë.

“Qeveria ka paralajmëruar tashmë 570 sensorë të rinj shtesë. Nuk ka një vendim zyrtar, por janë bërë të ditur. Tashmë na intereson plani i veprimit për parandalimin e diabetit që të fillojmë me edukimin. Kemi disa sfida – të ndryshojmë protokollin që është zhvilluar së bashku me OBSH-në, të fillojmë trajtimin e paradiabetit dhe diabetit në nivel parësor, te mjekët e familjes dhe për insulinën, të shkojmë në nivelin terciar, në një klinikë. Të tjerat duhet t’i bëjnë mjekët amë dhe diabetologët”, sqaron Velev në deklaratë.

Lidhur me njoftimet për padi për shkak të vonesës së terapisë, Velev tha se është biseduar me avokatët se si të përgatiten peticionet në Ministri, derisa pritet takimi.

• LEXO: Problemet e pacientëve të prekur nga diabeti në RMV, Ministria kërkoi nga Shoqata mos të paditë pasi po bëhet gjithçka
• LEXO: Ministria e Shëndetësisë në mënyrë retroaktive nënshkruajti marrëveshje për shirita për matjen e sheqerit, diabetikët do të kërkojnë dëmshpërblim
• LEXO: Qytetarët e sëmurë nga diabeti protestojnë në Maqedoninë e Veriut: Mjaftë na injoruat tetë muaj