Shaqiri: Pas Vitit të Ri, drejtoresha e Qendrës së Provimeve mund t’i rrisë pagat për 30%
Ka një marrëveshje të re kolektive, vendime të reja të Ministrisë së Financave dhe një mënyrë e re e rritjes së pagave. Nga janari, drejtoresha e QShP-së do të ketë hapësirë për të rritur pagat me 30 për qind. Unë mendoj se kjo do ta zgjidhë problemin. Kurrë nuk them se nuk kemi nevojë për paga më të larta. Por kur dikush në publik dëshiron të bëhet popullor dhe të bllokojë 500 mësimdhënës, kjo nuk është e drejtë, tha Shaqiri, transmeton Portalb.mk.
Greva në Qendrën Shtetërore të Provimeve vazhdon. Situata u përshkallëzua pasi punonjësit nuk morën rritjen e dëshiruar të pagave, pra ndryshimin e marrëveshjes së posaçme kolektive që do të lejojë rritjen e pagave me 25%.
Rreth 700 kandidatë presin të aplikojnë për licencë që e lëshon QShP, por për shkak të grevës kjo nuk do të ndodhë në këtë seancë, njoftuan dje në konference për shtyp.
Nga Ministria e Arsimit thonë se dialogu mes dy palëve duhet të vazhdojë deri në harmonizimin e plotë të pikëpamjeve.
QShP-ja e pezulloi grevën në maj, para maturës dhe arsyeja për këtë, siç thanë nga atje, ishte se ministri ka dashur të fusë persona të jashtëm në procesin e maturës shtetërore.
Sindikata e QShP-së e nisi grevën më 25 prill me kërkesat për rritje të pagave për punonjësit dhe miratimin e kontratës së tyre kolektive. Sindikata ndalon të gjitha proceset për të cilat është përgjegjës QShP.