RMV, nga makinat për selektim të mbeturinave e deri te parkingjet e biçikletave: Të rinjtë me nga 10 kërkesa në gjashtë komuna
Të rinjtë nga komunat e Çairit, Kisella Vodës, Aerodromit, Prilepit, Kumanovës dhe Gostivarit kanë dorëzuar nga 10 kërkesa për komunat e gjelbra, të cilat presin të realizohen në vitin 2024. Shoqata “Go Green” nga Shkupi për të tretin vit radhazi mbledh kërkesat e të rinjve për komuna të gjelbra nga të rinjtë, transmeton Portalb.mk.
“Këtë vit për të tretën herë hapëm thirrjen (pyetësorin) për mbledhjen e kërkesave të reja të të rinjve për komunat e gjelbra për vitin 2024 dhe ishte e hapur nga korriku deri në shtator, me të cilën kemi mbledhur rreth 50 kërkesa për komunë”, shpjegon Go Green.
Thirrja mori ide nga persona të moshës 15 deri në 29 vjeç dhe synimi ishte të mblidheshin sa më shumë propozime, të cilat përfundimisht do t’u dërgohen kryetarëve të gjashtë komunave.
“Duke qenë se kërkesat duhet të zbatohen me sukses, ne po kërkojmë të zgjedhim ato më të dobishmet dhe më realiste që do të kontribuojnë më tej për një komunë më të gjelbër”, tha Go Green.
Kërkesat e dërguara janë përzgjedhur sipas kompetencave që kanë komunat, së bashku me përfaqësuesit e të rinjve apo zyrtarët e rinisë, në mënyrë që vitin e ardhshëm të realizohet sa më realisht.
Kërkesat e të rinjve shoqata i ka shpallur publikisht, ndërsa ato i janë dorëzuar edhe kryetarëve të komunave, zyrtarëve të të rinjve dhe këshilltarëve të komunës. Ashtu si në dy vitet e mëparshme, edhe në vitin 2024 realizimi i tyre do të monitorohet së bashku me aktivistë rinorë.
Çfarë duan të rinjtë nga kryetarët e komunave në 2024?
Të rinjtë nga Çairi kërkojnë që të organizohen eko-aktivitete në Çarshinë e Vjetër, ku mendojnë se duhet të vendoset parking për biçikleta. Në vitin 2024, Komunës i subvencione për riparimin e biçikletave dhe aksesorë të biçikletave.
Në mesin e 10 kërkesave të të rinjve drejtuar Komunës së Gostivarit janë edhe kosha për seleksionimin e mbeturinave, që komuna t’u japë biçikleta nxënësve më të mirë të shkollave të mesme dhe fillore, si dhe të shënohet Dita e Pranverës në vitin 2024 duke mbjellë dhe rregulluar oborre në të gjitha shkollat.
Parkimi i detyrueshëm i biçikletave për të gjitha objektet e reja dhe zbatimi i parkimit të biçikletave para objekteve publike janë pjesë e kërkesave të të rinjve nga Komuna e Kumanovës. Për vitin e ardhshëm, ata besojnë se në qytet duhet të krijohet një ekomural urban, si dhe të organizohen evente për shkëmbimin e rrobave të papërdorshme dhe sendeve shtëpiake.
Komunës së Aerodromit i kërkohet të kryejë një „vegetal canopy“ (zona të gjelbra si çadra) dhe shërbim që do të parandalojë hedhjen e mbetjeve para qendrës tregtare Biser.
Të rinjt e Komunës së Kisella Vodës reagojnë për problemin e mbeturinave, prandaj kërkojnë nga komuna që të ndërrohen koshat e prishur të mbeturinave në parkun Çopin dhe kosha të rinj në rrugën Dositej Obradoviq.
Të rinjtë nga Prilepi kërkojnë ngritjen e një fushate “Në punë dhe shkollë me biçikletë”, për të ofruar subvencione për biçikleta dhe pajisje për biçikleta për të rinjtë aktivë, si dhe për rregullimin dhe mbrojtjen e lumit Prilep nga ndotja.
Kërkesat e të rinjve të këtij viti janë realizuar pjesërisht
20-30 për qind e kërkesave vjetore nga të rinjtë janë plotësuar nga komunat. “Go Green” thotë se kjo është një përqindje e mirë, pasi me procesin e dërgimit të kërkesave nga të rinjtë tek autoritetet lokale kanë nisur dy vite më parë.
Nga shoqata thonë se gjashtë komunat janë të hapura për komunikim dhe bashkëpunim lidhur me kërkesat e të rinjve. Ata konfirmojnë se nuk është njësoj me të gjitha komunat, por shtojnë se ajo që është kërkuar nga të rinjtë pasohet nga fakti nëse autoritetet lokale do ta zbatojnë realisht.
“Dhe në mesin e atyre me të cilët ne bashkëpunojmë, ka komuna që janë më pak të interesuara, ashtu është. Ndryshimi është se pasi largohemi nga kabineti, nga zyra në komunë, marrim informacion nga disa komuna dhe ato na përfshijnë në zbatimin e disa kërkesave, ndërsa ne duhet të fillojmë kontaktet me të tjerat”, tha Go Green.
Kujtojmë se një hulumtim i po të njëjtës shoqatë tregoi që rreth 58 për qind e të rinjve në vend nuk komunikojnë me pushtetin lokal, por megjithatë shumica prej 70 për qind e tyre duan të jenë pjesë e eventeve të gjelbërta dhe do të përfshiheshin në krijimin e politikave nëse do të informoheshin në kohë dhe në thelb të përfshirë.