Përqendrimet e grimcave PM 10 në kufijtë e lejuar, nxënësit në Trubarevë iu kthyen mësimit me prani fizike
Sipas kërkesës së Ministrisë për Mjedis dhe Planifikim Hapësinor, Universiteti “Goce Dellçev” në Shtip, Fakulteti i Shkencave Natyrore dhe Teknike, Laboratori AMBICON, ka kryer matje indikative të grimcave të pezulluara – fraksioni PM10 në zonën e Trubarevës, gjatë periudhës 14–18 shtator 2025. Pikat e matjes ishin MM1-АК, 50 metra larg vendit të zjarrit, dhe MM2-АК, 150 metra larg, në oborrin e shkollës fillore të fshatit. Rezultatet kryesore, thotë Ministria, tregojnë përqendrime mesatare të PM10: 36–44 µg/m³, të gjitha brenda kufirit të lejuar 24-orësh prej 50 µg/m³, transmeton Portalb.mk.
“Elementet e përfshira në grimca (Na, Mg, Al, Si, S, K, Ca, Fe, Cu, Zn, Pb dhe të tjerët) janë brenda vlerave normale për zonat urbane. Përqendrimet e PM10 janë të sigurta dhe nuk e kalojnë kufirin ligjor. Rekomandohet monitorim i vazhdueshëm pranë vendit të zjarrit, veçanërisht gjatë aktiviteteve të pastrimit dhe rehabilitimit të zonës. Rezultatet vlejnë vetëm për vendet dhe periudhën e matjes të përmendura dhe mund të përdoren vetëm në tërësi. Ministria do të vazhdojë të monitorojë rregullisht cilësinë e ajrit dhe të informojë publikut në kohë.
Nxënësit nga katër shkollat fillore në Trubarevë të Shkupit iu kthyen mësimit me prani fizike duke filluar nga sot, njoftoi sot ministrja e Arsimit dhe Shkencës Vesna Janevska.
Me vendim të Qeverisë dhe Ministrisë së Arsimit dhe Shkencës (MASH), javën e kaluar rreth 1.800 nxënës nga Trubareva po ndiqnin mësimin online pas shpërthimit të zjarrit në fabrikën F-Grupacija më 13 shtator, ku u dogjën mbeturina elektrike dhe elektronike.
“Nxënësit nga katër shkollat në Trubarevë po ndjekin mësimin fizik duke filluar nga sot,” tha Janevska.
Ministrja shtoi se nëse ministritë përkatëse të mjedisit dhe shëndetësisë marrin informacion në lidhje me ndryshimet në situatën e cilësisë së ajrit, nxënësit dhe mësuesit do të kthehen përsëri në mësimin online.
“Megjithatë, për momentin, nuk ka rrezik dhe ata do të shkojnë me mësimin fizik sepse nuk ka mësimdhënie më të mirë dhe nxënësit nuk arrijnë sukses më të mirë përveçse me mësimin fizik,” tha ministrja.
Javën e kaluar, nxënësit e shkollave fillore “Krum Toshev”, “Njegosh”, “Vera Jociq” dhe “Naum Naumovski Borçe”, të cilat ndodhen në komunën e Gazi Babës, ndoqën mësim online.