Një pikë e përbashkët kufitare mes Maqedonisë së Veriut dhe Kosovës, ambasadori i bindur se do të ndodh së shpejti
Në takimin e zhvilluar ndërmjet ministrit për punë të brendshme në Maqedoninë e Veriut, Pançe Toshkovski, dhe ambasadorit të Republikës së Kosovës në Shkup, Florijan Çehaja, diskutua edhe për pikën e përbashkët ndërmjet dy shteteve, transmeton Portalb.mk.
“Ambasador Çehaja poashtu u falënderua për bashkëpunimin e deritanishëm të pasur në të gjitha fushat, posaçërisht në fushën e punës kufitare dhe shprehu bindjen se në afatin kohor më të shkurtër që të jetë e mundur pas përfundimit të procedurave ligjore do të fillojë të funksionojë mekanizimi “One Stop Shop“ për kalimin e kufirit shtetëror ndërmjet dy vendeve”, njoftoi Policia.
Ministri Toshkovski ka theksuar edhe mirëkuptimin e Kosovës që qytetarët e Maqedonisë së Veriut të mund të kalojnë kufirin e Kosovës edhe me dokumentet me emrin e vjetër të shtetit “Maqedoni”.
Ndryshe, më 22 dhjetor të vitit të kaluar, në Kuvendin e Maqedonisë së Veriut është ratifikuar marrëveshja ndërmjet Maqedonisë së Veriut dhe Kosovës për marrëveshjen kufitare ndërmjet këtyre dy shteteve. Kjo marrëveshje mundëson një pikë kufitare. Ky vendim përfshin kalimin kufitar “Bllacë-Hani i Elezit” dhe “Jazhincë-Glloboçicë”.
Maqedonia e Veriut dhe Shqipëria më 31 korrik të këtij viti ka filluar zbatimin e pikës së përbashkët kufitare në pikën kufitare Qafthanë me Republikën e Shqipërisë. Me të duhet të mundësohet fluks më i shpejtë i qytetarëve nga të dy vendet, si dhe kompanive që transportojnë produkte në këtë pikë kufitare.
- LEXO: Kufiri i përbashkët ndërmjet Maqedonisë së Veriut dhe Kosovës, u ratifikua marrëveshja në Kuvendin e RMV-së
- LEXO: Pikë e përbashkët kufitare mes Maqedonisë së Veriut dhe Kosovës
- LEXO: Për rrugën Tetovë-Prizren është e nevojshme një analizë e mirë dhe koordinim i saktë i të dy vendeve, vlerësoi Boçvarski