Kovaçevski në Bruksel: RMV-ja dhe Shqipëria e filluan së bashku procesin, secili po përparon sipas punës së vet
Kryeministri i Maqedonisë së Veriut, Dimitar Kovaçevski, sot në Bruksel mori pjesë në Samitin e Bashkimit Evropian dhe Ballkanit Perëndimor, duke theksuar që Maqedonia e Veriut ka kryer detyrat e deritanishme në procesin eurointegrues, transmeton Portalb.mk.
“Pas skriningut të suksesshëm, procesi do të vazhdon dhe do të rezulton me anëtarësimin e Maqedonisë së Veriut në Bashkimin Evropian”, vlerësoi Kovaçevski, duke shtuar që “është kryer me sukses procesi i skriningut që është pranuar nga BE-ja, por të gjithë e dij më q kemi edhe një obligim që duhet të kryhet dhe ajo varet nga ne”.
Ai foli edhe për mundësitë qe Shqipëria dhe Maqedonia e Veriut të ndajnë rrugët gjatë procesit eurointegrues.
“Maqedonia e Veriut dhe Shqipëria së bashku kanë filluar procesin e skriningut para një viti e gjysmë dhe çdo vend në bazë të përkushtimit të vet, sipas përputhshmërisë me Bashkimin Evropian po përparon në integrimin evropian”, deklaroi Kovaçevski.
Ndryshe, në prag të Samitit BE-Ballkani Perëndimor, kancelari gjerman Olaf Scholz ka kërkuar heqjen e vetos për etapa të caktuara të zgjerimit. Thirrjet e kancelarit socialdemokrat shkonin në adresë të Greqisë, e cila ka kërcënuar se nuk do të lejojë çeljen e kapitullit të parë të negociatave me Shqipërinë, pa u zgjidhur çështja Beleri.
Sot më 13 dhjetor zhvillohet Samiti i BE-së dhe Ballkanit Perëndimor. Ndërsa më 14 dhe 15 dhjetor ministrat do të përgatiten për takimin e Këshillit Evropian.
Në fund të samitit midis BE-së dhe vendeve të Ballkanit Perëndimor do të duhet të miratohet draft-deklaratë deri te e cila ka pasur qasje Radio Evropa e Lirë. Madje, në draft-deklaratën thuhet se harmonizimi me politikat e BE-së është shenjë e qartë për orientimin strategjik të partnerëve, tani më shumë se kurdoherë, në kontekst të luftës agresive ruse kundër Ukrainës dhe sfidat e tjera të sigurisë.
“Vizioni i përbashkët për ardhshëm përfshin vlera të përbashkëta dhe përgjegjësi të përbashkët. Derisa e thellojmë bashkëpunimin tonë me partnerët, ju bëjmë thirrje që të bëjnë progres të shpejtë dhe të qëndrueshlm ndaj harmonizimit të plotë me politikat e përbashkëta të jashtme dhe të sigurisë të BE-së, duke përfshirë edhe masat restriktive të BE-së, si dhe të veprojnë në pajtueshmëri me të”, thuhet në draft-deklaratën.
- LEXO: Këshilli i BE-së: Maqedonia e Veriut të reformojë gjyqësorin dhe t’i bëjë ndryshimet kushtetuese sa më shpejt
- LEXO: Javë dinamike në Bruksel, sot do të diskutohet për pakon e zgjerimit, nesër mbahet Samiti BE-Ballkani Perëndimor
- LEXO: Këshilli Ministror në Shkup: Dënime të ashpra për luftën në Ukrainë dhe bllokimin e OSBE-së
- LEXO: Bullgaria nuk e lejoi aeroplanin e Lavrovit të fluturonte për shkak të sanksioneve kundër Zakharovas, jo për shkak të Maqedonisë së Veriut
- LEXO: BE-ja miratoi pakon e 11-të të sanksioneve ndaj Rusisë
- LEXO: Most: Është koha për t’iu kundërvënë propagandës, ndikimit dhe dezinformimit rus në Maqedoninë e Veriut