Debati parlamentar për ligjet “Bechtel dhe Enka” do të zgjasë dy ditë, pavarësisht se sa amendamente do të paraqiten

Komisioni për Çështje Evropiane vazhdon sot punën sipas renditës ditës në lidhje me agjendën që u votua dje në mënyrë eksprese dhe për të cilën u propozuan ndryshimet e ligjeve që lidhen me kontratën me Bechtel-in dhe Enka-n dhe që morën flamurin evropian nga qeveria, transmeton Portalb.mk.

Pasi se bëhet fjalë për ligje të cilave u jepet përparësi, diskutimi do të zgjasë dy ditë, pavarësisht se sa amendamente do të paraqiten.

Opozita, e cila nuk mori pjesë në votim, paralajmëroi kallëzim penal për shkelje të procedurave, shpërdorim të flamurit evropian dhe vendosje të vullnetit të kryeparlamentarit mbi ligjin.

Në seancën e djeshme deputetët reaguan se pse amendamentet e propozuara nuk janë nënshkruar nga ministrat, por zëvendësat, ndërsa disa prej tyre nuk kanë pasur fare nënshrkim.

Arsyeja për zgjatjen e javës së punës është dhënë gjithashtu nga zëdhënësi. Nevoja për ndryshime në ligje u votua me 62 vota “pro”.

Për miratimin e ligjeve me flamur evropian ka reaguar edhe ambasadori evropian David Geer, i cili tha se kjo praktikë është shqetësuese sepse, siç theksoi, sistemi evropian i flamurit përdoret për harmonizimin e legjislacionit vendas me legjislacionin dhe standardet e BE-së. Ai shtoi se për ligjet që kanë të bëjnë me korridoret 8 dhe 10d nuk ka asnjë përputhshmëri me standardet evropiane.

VMRO DPMNE do t’i dërgojë letër Komisionit Evropian, ambasadave dhe të gjitha institucioneve për të paralajmëruar se ndërtimi i korridoreve tetë dhe dhjetë d do të fillojë me tender kriminal dhe se është harxhim kriminale i qindra miliona eurove për avanse dhe penalitete. Mickoski dyshon se ata janë keqpërdorur.

Kujtojmë që, më 22 prill u bë shënimi i realizimit të punimeve në kuadër të Marrëveshjes për ndërtimin e Korridorit 8 dhe 10-D. Shënimi u bë nga Ministria për transport dhe lidhje së bashku me Ndërmarrjen Publike për rrugë shtetërore.

Ndërkohë, Kuvendi më 10 prill të këtij viti në fazë të parë i miratoi ndryshimet ligjore për ndërtimin e autostradave. Bëhet fjalë për ligjet për tokë bujqësore; eksproprijim, planifikim urban, minerale; marrëdhënie pune; pyje; ndërtim; por edhe për ligjin për rregullimin e interesit publik dhe nominimin e partnerit strategjik për zbatimin e projektit për ndërtimin e Korridorit 8 dhe 10-D.

Më 8 mars, qeveria nënshkroi kontratën për ndërtimin e autostradave nga korridoret 8 dhe 10-D me konsorciumin amerikano-turk “Bechtel dhe Enka”. Projekti peshon 1.3 miliardë euro dhe përfshin ndërtimin e gjithsej 110 kilometra autostradë.

Për Qeverinë, ky është projekt historik, më i madhi në historinë e vendit në infrastrukturën rrugore. Bechtel dhe Enka, megjithatë, vlerësuan se ky është një projekt emocionues dhe kompleks dhe thanë se marrin përgjegjësinë për ruajtjen e standardeve më të larta në ndërtim.

Projekti u zyrtarizua më 4 prill në një ngjarje në pikë-pagesën e autostradës Tetovë-Gostivar, një nga katër seksionet që do të ndërtohet me një kosto totale prej 1.3 miliardë euro. Tri seksionet e tjera të mbuluara me kontratë me kontraktorin “Bechtel dhe Enka” janë Gostivar-Bukojçan, Trebenishtë-Strugë-Qafthanë dhe Prilep-Manastir.

• LEXO: Nuk kemi autostradë, por në Korridorin 8 kemi më shumë automjete se në Korridorin 10 (infografik)
• LEXO: NP “Rrugët Shtetërore” e ka dorëzuar në Prokurori marrëveshjen për Korridorin 8 dhe 10-D
• LEXO: Ministria filloi realizimin e marrëveshjes për ndërtimin e Korridorit 8 dhe 10D
• LEXO: Ambasada e SHBA-s për Bechtel dhe Enka: Mbështesim investimet në interes të RMV-së, nëse ka aktivitete joadekuate, duhet të hetohen
• LEXO: Përshpejtimi i ndryshimeve ligjore për ndërtimin e autostradës hap kutinë e Pandorës
• LEXO: Grubi: Marrëveshja për autostradat është e fshehtë, nëse nuk votohen ligjet ndërtimi do të jetë më i shtrenjtë se 1,3 miliardë euro
• LEXO: RMV, Kuvendi në fazë të parë i miratoi ndryshimet ligjore për ndërtimin e autostradave, u tërhoq ligji për trashëgimi kulturore
• LEXO: RMV, kompania që do të ndërtojë Korridorin 8 dhe të 10-D ka kontratë sy më sy
• LEXO: U nënshkrua marrëveshja për Korridorin 8 dhe 10D mes Qeverisë së RMV-së dhe Behtel-Enka, do të kushtojë 1.3 miliardë euro (VIDEO)
• LEXO: Qeveria e RMV-së e miratoi kontratën për Korridorin 8 dhe 10-D