RMV, përfundoi debati i Komisionit për ndryshimet e Ligjit për tatimin e vlerës së shtuar
Përfundoi shqyrtimi i ndryshimeve në Ligjin për ndryshime dhe plotësime të Ligjit për tatimin e vlerës së shtuar, me procedurë të shkurtuar, në seancën e sotme të Komisionit kuvendor për çështje evropiane, raporton MIA. Seanca do të vazhdojë të hënën me debatin e ndryshimeve për Propozimin e ligjit për ndryshime dhe plotësime të Ligjit për tatimin e fitimit, me procedurë të shkurtuar.
Ligjet e reja nga reforma tatimore nuk morën mbështetje nga deputetët e VMRO-DPMNE-së opozitare, me arsyetimin se janë të dëmshme për ekonominë e Maqedonisë.
Deputetja e VMRO-DPMNE-së, Lidija Petkoska theksoi se kërkojnë debat për të arsyetuar pse është e rëndësishme të mos rritet TVSH-ja me qëllim, që siç tha, amvisëritë do të vazhdojnë të ngrohen me peleta me qëllim që të mbrohet mjedisi jetësor.
Ndërkaq, deputetja e LSDM-së, Snezhana Kalevska Vançeva ka treguar se as ndryshimi i parë dhe as i dyti nuk mund të miratohet ligjërisht dhe teknikisht. Ajo thekson se nëse të dyja miratohen ashtu siç janë propozuar, nuk do të bëjnë asgjë, pra dispozita nga ligji ekzistues ku do të fshihet norma preferenciale prej 5 për qind.
Ndryshe, Qeveria e Maqedonisë së Veriut më 11 korrik ka mbajtur seancën e 166-të dhe 167-të, ku ndër të tjera u miratuan tekstet nga tri propozim-ligjet e Ministrisë së Financave.
“Qeveria, me propozim të Ministrisë së Financave, miratoi tekstin e tri propozim-ligjeve, dispozitat e të cilave janë në përputhje me direktivat e Bashkimit Evropian”, sqarojnë nga Qeveria, duke vlerësuar që këto ndryshime të Ligjit për tatimin e vlerës së shtuar, e zvogëlojnë taksën për produktet.
Përmes ndryshimeve të tilla, mundësohet ulja e tatimit prej 18 % në 5 % për produktet menstruale, librat digjital; ndërkohë rritje prej 5 % në 10 % për produktet që bëjnë pjesë te konsumi për njerëz, por nuk janë bazike, ndërsa rritje të taksës për qarkullim dhe import nga 5 % në 18 % te peletat, shporetet dhe kaldajat.