Rritje e qarkullimit në industrinë e Maqedonisë së Veriut, në njërin sektor arriti afër 100 përqind

Në Maqedoninë e Veriut është regjistruar rritje e qarkullimit në industri, ashtu që në shtatorin e këtij viti kemi rritje për 5.4 përqind, krahasuar me shtatorin e kaluar. Në këtë periudhë, te riparimi dhe instalimi i makinerive dhe pajisjeve kemi rritje për 99.8 përqind, transmeton Portalb.mk.

“Qarkullimi në industri, totali gjatë muajit shtator të vitit 2026, krahasuar me muajin gusht të vitit 2026 vërehet rritje prej 25.1%, derisa në periudhën janar – shtator të vitit 2026, krahasuar me periudhën janar – shtator të vitit 2025 vërehet rritje prej 3.3%”, raportoi Enti Shtetëror i Statistikave.

“Departamentet që patën ndikimin më të madh në qarkullimin e përgjithshëm në industri në muajin shtator të vitit 2026, krahasuar me muajin shtator të vitit 2025, kanë: prodhimi i produkteve ushqimore me 0.8%, prodhimi i pajisjeve elektrike me 4.7% dhe prodhimi i makinerive dhe pajisjeve të pa përmendura në vend tjetër me 19.5%”, raportoi Enti Shtetëror i Statistikave.