Ministrat e Qeverisë së RMV-së do të jenë në pushime midis 5 dhe 15 gushtit
Ministrat e qeverisë do të jenë me pushime nga 5 deri më 15 gusht. Kryeministri Hristijan Mickoski, duke iu përgjigjur sot pyetjeve gazetareske pas nënshkrimit të memorandumit të mirëkuptimit me kompaninë turke “Kazanci Holding AS”, tha se Qeveria do të jetë me pushime gjatë asaj periudhe, dhe pas pushimeve vjetore ai do të njoftojë zyrtarisht mënyrën se si do të veprojë koalicioni qeveritar në zgjedhjet e ardhshme lokale, transmeton Portalb.mk.
“Sa i përket koalicionit qeveritar dhe performancës në zgjedhjet e ardhshme lokale, bisedimet janë jashtëzakonisht konstruktive, ato po lëvizin në një drejtim pozitiv. Pres që diku, kushtimisht, pas pushimeve vjetore të kemi njoftim zyrtar për publikun. Pres që qeveria të jetë me pushime midis 5 dhe 15 gushtit, ato dhjetë ditë. Analizat do të vazhdojnë gjatë asaj periudhe, bisedimet do të vazhdojnë menjëherë pas 15 gushtit, le të themi gjysma e dytë e gushtit, dhe se do të bëhet zyrtare”, tha Mickoski.
Mickoski thotë se bisedimet për zgjedhjet në koalicionin qeveritar tashmë kanë mbaruar, dhe tani po bëhen analiza për partnerët e ardhshëm potencialë të koalicionit. Është e sigurt që anëtarët e koalicionit qeveritar do të kenë të gjitha listat e tyre të këshilltarëve dhe do të mbështesin njëri-tjetrin në garën për kryetar komune.
Në zgjedhjet e ardhshme lokale që do të mbahen në vjeshtën e këtij viti, ZNAM , VMRO-DPMNE dhe VLEN pritet të mbështetin njëra-tjetrën.