Mbi 10 mijë hyrje e dalje çdo ditë në Qafë Thanë, në fundjavë akoma më shumë
Mbi 10 mijë hyrje dalje regjistrohen ne Pikën e kalimit kufitar të Qafë-Thanës çdo dite ndërkohë që fluksi i lëvizjeve shtohet edhe më tepër gjatë fundjavës, raporton TopChannel.
Shumica e udhëtarëve që vijnë në Shqipëri janë pushues që i drejtohen bregdetit shqiptar për të kaluar pushimet verore. Pavarësisht fluksit të lartë të lëvizjes kalimi në kufi bëhet pa vonesa ndërsa pushuesit vijnë jo vetëm nga Maqedonia e Veriut por edhe nga shtete të ndryshme të Evropës
“Po vijmë për pushime në Shqipëri. Do të qëndrojmë një javë. Kaluam pa probleme kufirin as 5 minuta nuk u vonuam”, tha një turiste.
Në 24 orët e fundit përmes Qafë-Thanës hynë 5700 persona dhe u regjistruan 4800 dalje. Në të dyja anët punohet me tre sportele çka ka qenë e mjaftueshme për të përballuar fluksin e udhëtarëve.
Kryeministrat e Republikës së Maqedonisë së Veriut, Dimitar Kovacevski dhe i Republikës së Shqipërisë, Edi Rama, më 31 korrik lëshuan zyrtarisht funksionimin e konceptit One Stop Shop në vendkalimin kufitarë Kafasan – Qafëthanë. Finalizimi i këtij projekti i pasoi nënshkrimit të Protokollit të fundit për zbatimin e Marrëveshjes për krijimin e një kalimi të përbashkët kufitar mes RMV-së dhe Shqipërisë, si dhe premtimeve të shumta për një kalim të përbashkët kufitar që nga viti 2019.
Lexo analizën e Portalbit për pika të përbashkëta kufitare mes RMV-së dhe Shqipërisë: Premtime vetëm në letër për pikë të përbashkët doganore Maqedoni e Veriut – Shqipëri
- LEXO: “One-stop-shop” nuk i zhduki radhët kilometrike në “Qafë Thanë”, siç premtuan qeveritarët e RMV-së dhe Shqipërisë
- LEXO: Premtime vetëm në letër për pikë të përbashkët doganore Maqedoni e Veriut – Shqipëri
- LEXO: Premtohet nga vitit 2019, Doganat e RMV-së dhe Shqipërisë: Është në fazë përfundimtare pika e përbashkët kufitare “Qafë Thanë”
- LEXO: Radhë kilometrike në Qafë Thanë, nuk punon sistemi në RMV, policia merr shënime me dorë (video)