Filloi gjykimi për Llatasin dhe Llazarovin, të dy thanë se nuk ndihen fajtorë

Gazetari Dragan Pavlloviq-Llatas dhe YouTuberi Stefan Llazarov, të akuzuar për veprën penale përhapje të materialit racist dhe ksenofobik përmes sistemit kompjuterik, sot në Gjykatën Themelore Penale – Shkup deklaruan se nuk ndihen fajtor për veprën penale dhe theksuan se akuza është tendencioze, transmeton Portalb.mk.

“Nuk ndihem fajtor për akuzën e ngritur, sepse mendoj se është tendencioze, nën presionin e një grupi të vogël njerëzish që e përkufizojnë veten si publik, në bashkëpunim me drejtorin e policisë publike, pra Byronë e Sigurisë Publike dhe kryeministrin Dimitar Kovaçevski të cilët së bashku me të lartpërmendurit, paraprakisht dhe para se të ngrihej aktakuza, akuzuan dhe gjykuan publikisht”, tha Llatas.

Edhe Llatasi edhe Llazarovi besojnë se dy minutat e emisionit që përmenden në aktakuzë janë jashtë kontekstit.

“Vetë dy minutat për mendimin tim janë jashtë kontekstit. Mendoj se duhet të shihet i gjithë emisioni për të parë motivin e të ftuarit. Qëndrimi i shprehur nuk nënkupton një situatë të shprehur që ka ndodhur dikur në jetën e tij dhe qeshja ime me të nuk do të thotë se unë justifikoj dhe promovoj dhunën ndaj grave”, tha Llazarov.

Seanca vazhdoi me paraqitjen e provave nga Prokuroria, gjatë së cilës u prezantua pjesa e podcast-it mbi të cilin Prokuroria bazoi akuzën.

Sipas të pandehurit Llatas, kjo provë nuk është e plotë pasi mungon i gjithë transmetimi që përmban kontekstin.

Siç tha ai, prokurori nuk mund të vlerësojë se çfarë është e qeshura.

“’Çfarë është ajo e qeshur dhe cilat janë qëllimet e asaj qeshje, e cila bie në sferën e një profesioni tjetër për të cilin, zakonisht në proceset e shpifjes, kërkohet mendim nga një psikolog apo psikiatër profesionist, i cili vlerëson nëse dhe çfarë lloj të qeshje ka”, tha Llatas, duke theksuar se tonaliteti i të qeshurës së tij ka qenë i njëjtë gjatë gjithë emisionit, si dhe në pjesën specifike të përmendur nga prokuroria.

Kësaj prokurori iu përgjigj se gjatë performancës nuk e ka vlerësuar të qeshurën e tyre, por ka thënë vetëm se janë duke qeshur.

Akuza ndaj të dyve pasoi paraqitjen e Llatasit në podkastin e Llazarovit, ku ai foli për një përvojë seksuale me një vajzë në vitet e tij të adoleshencës, e cila shkaktoi një protestë publike për nxitje të dhunës dhe diskriminimit gjinor.

“Dy të pandehurit përmes një sistemi kompjuterik përhapën përfaqësim racist dhe ksenofobik të një ideje që promovon dhunën ndaj grave, gjë që shkaktoi reagime dhe ndjenjë neverie dhe ankthi në opinion. I pandehuri i parë, duke u shfaqur në një intervistë të publikuar më 14 shkurt si një podcast në kanalin YouTube të të pandehurit të dytë, promovoi publikisht një akt dhune seksuale, duke evokuar kujtime të së kaluarës së tij të supozuar, pa shprehur dënim moral ose pendim, duke promovuar në këtë mënyrë me vetëdije një sjellje të tillë të dhunshme. I pandehuri i dytë, ndonëse ka qenë i vetëdijshëm për ndikimin e përmbajtjeve që transmeton, sidomos te popullata e re, nuk e ka ndalur as e ka ndërprerë bashkëbiseduesin, por më tej e ka shtyrë atë që me komente dhe pyetje të ritregojë ngjarjen kontestuese”, thuhet në njoftimin e Prokurorisë Shkup më 21 shkurt kur ngritën akuzën.

Me ngritjen e aktakuzës, prokuroria kërkoi, dhe gjykata pranoi, konfiskimin e pasaportës së Llatasit dhe të dyve iu ndalua të kryenin disa aktivitete pune që lidhen me veprën penale, pra ndalimin e paraqitjeve publike që nxisin përhapjen e racizmit dhe materiale ksenofobike.

• LEXO: Prokuroria ngriti akuzë kundër Llatasit dhe Llazarovit: Kanë promovuar dhunë ndaj grave
• LEXO: U fshi intervista e Latasit në kanalin e jutjuberit Llazarov
• LEXO: Organizatat mediatike e dënojnë gjuhën e Llatasit: Edhe sponsorët e programit të kërkojnë falje
• LEXO: Prokuroria hapi lëndë kundër Llatasit i cili në një emision ka treguar si ka abuzuar dhe përdhunuar një vajzë të rrahur
• LEXO: Publiku i indinjuar nga Llatasi dhe talljet e tij për dhunën ndaj grave në emisionin e jutuberit Lazarov