Lloga: Po shqyrtohen dispozita ligjore për ndërprerjen e mandatit të përbërjes aktuale të Këshillit Gjyqësor

By N. D. On 19/06/2023 13:40

Ministri i Drejtësisë, Krenar Lloga, foto: Suad Bajrami/Portalb.mk

Ajo që ndodhi në Këshillin Gjyqësor na shqetëson të gjithëve dhe e dënojmë. Pres rikthim në normalitet. Një nga zgjidhjet e mundshme, për të cilën jam duke diskutuar si me partitë politike ashtu edhe me qeverinë, është që përbërja aktuale e këtij organi të ketë ndërprerje të mandatit me dispozita ligjore kalimtare, tha ministri i Drejtësisë Krenar Lloga, transmeton Portalb.mk.

Më shumë informacion, theksoi Lloga, do të marrim në ditët në vijim, pasi të kem biseduar edhe me opozitën në Kuvend.

WNëse do të ketë ndryshime të tilla ligjore, do të jetë me konsensus në Kuvend me të gjitha partitë politike. Prandaj, ky është një nga opsionet që mund ta kemi si zgjidhje”, shpjegoi Lloga.

Duke iu përgjigjur pyetjeve të gazetarëve në lidhje me rezultatet e anketës së OSBE-së për vlerësimet negative të sistemit gjyqësor, Lloga tregoi se Strategjia për 2023-2027 është drejt përfundimit, në grupin e punës së cilës janë pjesë e institucioneve, profesorë të shquar, akademikë, të cilët, siç theksoi ai, do të tregojnë se si do të përballet me këtë sfidë të madhe në gjyqësor.

“Unë jam i shqetësuar për të njëjtat shifra dhe të dhëna, të cilat i thotë jo vetëm raporti i OSBE-së, por edhe të gjitha institucionet e tjera në vend dhe komuniteti ndërkombëtar”, tha Lloga, duke iu përgjigjur pyetjeve të gazetarëve pas hapjes së zyrës për ndihmë juridike falas në komunën e Shuto Orizarit.

I pyetur nëse i ka marrë të gjitha procesverbalet nga seancat e Këshillit Gjyqësor, Lloga tha se ende nuk e kanë marrë procesverbalin që kërkonin dhe se nuk kanë marrë as shpjegim për këtë.

“Fatkeqësisht procesverbali që kërkojmë nuk është dorëzuar deri më sot në Ministri”, tha Loga.

Kujtojmë se më 26 prill u shkarkua nga funksionini kryetarja e Këshillit Gjyqësor, Vesna Dameva. Zëvendësi i saj, Selim Ademi, i cili pas zënkave që kanë zgjatur disa orë dhe pasi Dameva refuzoi ta vendos në votim pikën e cila nuk ishte në rend dite, ai e hodhi propozimin në votim. Shtatë anëtarë e mbështetën zëvendësin, i cili e mori udhëheqjen e seancës në prani të saj.

Për mënyrën e shkarkimit të Damevës pati reagime të mëdhe. Grupi Blueprint për reformat në drejtësi, ku janë anëtarë shtatë organizata, në një deklaratë ata i janë referuar procedurës së shkarkimit dhe pretendojnë se asnjë dispozitë e ligjit nuk parashikon procedurë për shkarkimin e kryetarit të Këshillit Gjyqësor ose shkarkimin e një anëtari të Këshillit Gjyqësor mbi ndonjë bazë tjetër, me përjashtim të rasteve kur vjen deri te përcaktimi i përgjegjësisë disiplinore .

Këshilli Gjyqësor më 4 maj, në seancën pas orarit të punës, të cilin e njoftoi në ueb-faqen e tij pak para fillimit, me tetë vota për kryetar të ri zgjodhi Sashko Georgiev.

Megjithatë, para kësaj, këshilli mbajti dy seanca të fshehta – në orën 13:30 dhe në orën 14:00. Në të parën votoi tërheqjen e vendimit fillestar për shkarkimin e Damevës. Më pas, i dyti me nëntë vota ka votuar mosbesimin dhe e ka shkarkuar. Vendimet për mbajtjen e seancave të mbyllura nga Këshilli Gjyqësor u arsyetuan me një dispozitë të ligjit që parashikon se publiku mund të përjashtohet për të mbrojtur reputacionin dhe integritetin e gjyqtarit ose kandidatit për gjyqtar. Mirëpo në dy seancat me dyer të mbyllura nuk është diskutuar fare për gjyqtar apo kandidat për gjyqtar.

Më 08 qershor, gjykatëset Mirjana Radevska-Stefkova nga Gjykata Supreme dhe gjykatësi i Apelit, Zoran Gerasimovski dhënë dorëheqje nga funksioni i anëtarëve të Këshillit Gjyqësor, në një kohë kur organizatat joqeveritare kërkuan që Këshilli Gjyqësor të vetëshpërndahet sepse cenon besimin në drejtësi me debatet e përditshme dhe mënyrën e vendimmarrjes.