Versioni për rrogat në Maqedoninë e Veriut është dërguar në Grupin punues, javën e ardhshme analiza, njoftoi ministri Aliu

By F. C. On 20/10/2023 18:43

Duhet të miratohet një zgjidhje ligjore sistematike për pagat në institucione në nivel të të gjithë vendit, raporton MIA. Nëse shkojmë të zgjidhim rast pas rasti, do të humbim kohë dhe energji dhe në fund nuk do të arrihet përsëri sinkronizimi i nevojshëm, deklaroi sot ministri i Shoqërisë Informatike dhe Administratës, Azir Aliu, duke iu përgjigjur pyetjes së një gazetari në lidhje me protestat e administratës në gjykata dhe prokurori.

Sipas tij, veçmë është bërë shtrembërim i sistemit, duke pasur parasysh së në institucione të ndryshme me profil i njëjtë i stafit ka paga të ndryshme. Si për shembull, ai ka treguar se “është një Ministri, në të cilën pagat janë 30 për qind më të larta se ato në ministritë e tjera”.

Ministria e Shoqërisë Informatike dhe Administratës (MSHIA), njoftoi Aliu, ka përgatitur draft-versionin e ligjit, i cili tashmë është dërguar te Grupi punues dhe javën e ardhshme do të analizohen të gjitha zgjidhjet e mundshme për pagat.

“Duhet të punojmë në ligjin e pagave dhe të kemi një zgjidhje sistematike për krijimin dhe përcaktimin e pagave. Kështu është deformuar sistemi dhe tashmë është bërë shtrembërim. E shihni që në institucione të ndryshme i njëjti profil personeli ka paga të ndryshme, madje shkon deri aty sa të kemi një ministri në të cilën pagat janë 30 për qind më të larta se ato në ministritë e tjera. Pra, në vendin tonë tashmë është krijuar deformimi i pagave. Unë jam anëtar i Grupit të punës. Unë insistoj që të shkojmë për një ligj pagash në të cilin do të ketë korniza dhe pastaj do ta dimë, pra do të kemi një pasqyrë të qartë për të gjitha institucionet. Nëse shkojmë kështu, duke zgjidhur rast pas rasti, do të humbim shumë energji dhe kohë, dhe nga ana tjetër, përsëri në fund, nuk do të sinkronohemi si vend. Këtë javë dhe javën e ardhshme do të analizojmë të gjitha zgjidhjet e mundshme për pagat, por vlerësoj, nëse më pyesni mua personalisht, që duhet të kemi një zgjidhje në nivel shtetëror që të jemi të gjithë të kënaqur me sa është paga jonë, si dhe me faktin që ajo pagë nuk është e ndryshme në të njëjtat vende pune në institucione të ndryshme”, theksoi ministri.

Ndryshe, në Maqedoninë e Veriut në muajin gusht është regjistruar rritje e rrogës mesatare për 14.2 përqind në krahasim me gushtin e vitit të kaluar. Rroga mesatare mujore neto në gusht ishte 36 390 denarë.

Krerët e shtetit, të Kuvendit dhe të Qeverisë nga maji marrin paga më të larta për rreth 70 mijë.

Pagat e kryetarit të Gjykatës Kushtetuese dhe të nënkryetarëve të Kuvendit janë rritur për rreth 60 mijë denarë, ndërsa të ministrave dhe deputetëve për rreth 56 mijë denarë.

Pagat e funskionarëve llogariten duke shumëzuar bazën me një koeficient të caktuar në varësi të pozicionit. Ligji për pagat e zyrtarëve parasheh që bazë të jetë paga mesatare e vitit paraprak, por për vite me radhë është ngrirë në nivel më të ulët. Më 21 mars, gjykata vendosi të heqë ngrirjen, pas së cilës pagat do të rriten ndjeshëm.

Paga më të larta nga funksionarët kanë presidenti i shtetit, Kuvendit dhe Qeverisë. Ligji parashikon që ata të marrin pagë në masën e pagës mesatare të vitit të kaluar shumëzuar me koeficientin 4.5. Paga mesatare bruto e paguar në vitin 2022 është rreth 47 mijë denarë. Kësaj i shtohet një rritje prej gjysmë për qind për çdo vit stazh pune.

Sipas këtij vendimi, presidenti Stevo Pendarovski, kryetari i Kuvendit Talat Xhaferi dhe kryeministri Dimitar Kovaçevski për disa ditë do të kenë rritje të pagave prej rreth 70 mijë denarë. Deri më tani kanë marrë rreth 90 mijë, e tash e tutje rreth 160 mijë denarë.

Azir Aliu Ekonomia e shtetit - Lajme ekonomi Ministria e Ekonomisë (ME)Ministria e Financave (MF)Ministria e Shoqërisë Informatike dhe Administratës (MSHIA)Paga - Rroga