RMV, janë shpallur tre thirrje publike për mbështetje financiare të zhvillimit rural për vitin 2025

Ministria e Bujqësisë, Pylltarisë dhe Ekonomisë së Ujërave ka shpallur tre thirrje publike për dorëzimin e kërkesave për shfrytëzimin e mjeteve nga Programi për mbështetje financiare të zhvillimit rural për vitin 2025, me qëllim modernizimin e ekonomive bujqësore në Maqedoni, transmeton Portalb.mk.

Thirrja publike NR. 05/2025

Kjo thirrje përfshin investimet në vijim:

  • Blerje të makinave për thyerjen e akullit;
  • Blerje të sistemeve kundër ngricave;
  • Rrjeta mbrojtëse dhe folia mbrojtëse;
  • Blerje të pajisjeve për sistem pikë-pikë të ujitjes, ndërtimi i puseve dhe ndërhyrje të tjera në sipërfaqe ujore;
  • Investime në pajisje për vendosjen e gardheve elektrike në bletari për mbrojtje nga kafshët e egra.

Thirrja publike NR. 06/2025

Kjo thirrje ka të bëjë me:

  • Blerje të mekanizmit bujqësor përcjellës.

Thirrja publike NR. 07/2025

Kjo thirrje mbulon fushat e mëposhtme:

  • Investime në pajisje për prodhim ushqimi me origjinë shtazore dhe/ose jo-shtazore në sasi të vogla;
  • Investime në pajisje për prodhim të verës, pijeve alkoolike dhe birrës në sasi të vogla.

Për të tre thirrjet publike, vlera maksimale është 600.000,00 denarë për çdo përfitues.

Mjetet ndahen për periudhën e realizimit të planit të biznesit dhe paguhen në baza vjetore.

Të drejtë aplikimi kanë ekonomitë bujqësore të regjistruara në Regjistrin e vetëm të ekonomive bujqësore pranë Ministrisë së Bujqësisë, Pylltarisë dhe Ekonomisë së Ujërave, në përputhje me Ligjin për bujqësi dhe zhvillim rural.

Afati i fundit për dorëzimin e kërkesave është 11.07.2025.