Ngjarjet më të rëndësishme që shënuan vitin 2023 në Maqedoninë e Veriut: vrasje, lista të zeza, korrupsion…
Viti 2023 ishte një vit turbulent, si zakonisht, me kriza që përsëriten dhe me dukuri negative që janë bërë traditë. Në vend të përshkimit të vitit, sivjet kemi vendosur një poezi nga Charles Bukowski, e cila shumë më mirë flet për gjendjen tonë ku jemi katandisur.
Në vitin e ri 2024, Ju urojmë shumë shëndet dhe suksese të reja nga redaksia e Portalb.mk!
Dinosauria…Ne!
Të lindur kështu
Mes këtyre
Ndërsa manikinët buzëqeshin
Ndërsa zonjusha Vdekje qesh
Ndërsa ashensorët prishen
Dhe kufinjtë politike bien
Ai çunin i supermarketit që fut gjërat në qese për ty ka një diplomë
Ndërsa peshqit e pistë nga nafta vjellin prenë e pistë
Dhe dielli është i maskuar
Ne jemi lindur kështu
Lindur mes këtyre
Mes luftërash të çmendura që ndodhin me kaq kujdes
Mes boshllëkut të fabrikave të rrënuara me dritare të thyera
Mes kafeneve ku njerëzit nuk flasin më me njëri tjetrin
Zënkat me grushta përfundojnë me thika e të shtëna armësh
Lindur mes këtyre
Mes spitaleve të shtrenjta ku të vdesësh kushton më lirë
Mes avokatësh që janë aq të shtrenjtë sa më mirë të deklarohesh i fajshëm
Në një shtet ku burgjet janë plot dhe psikiatritë janë të mbyllura
Mes masave që shndërrojnë budallenjtë në heronj të pasur
Të lindur mes kësaj
Ecën dhe jeton mes këtyre gjërave
Vdes për këtë shkak
Në heshtje
Të gjymtuar
Të korruptuar
Të lënë pa trashëgimi
Të budallepsur
Të përdorur nga kjo
Të mërzitur nga kjo gjë
Të bërë të çmendur dhe të sëmurë
Të bërë çnjerëzor
Nga kjo gjë
Zemra është bërë e zezë
Gishtat prekin fytin
Pistoletën, Thikën, Bombën
Duart i drejtohen një zoti që nuk përgjigjet
Gishtat duan të prekin shishen,
Ilaçet, Pluhurin
Lindur në këtë kohëvdekje të dhimbshme
Lindur me një shtet që ka mbledhur borxhe në 60 vjet
Dhe së shpejti s’do mund të paguajë as kamatat e borxheve
Bankat do të digjen
Paraja do të bëhet e pavlerë
Rrugëve vrasjet do bëhen zakon dhe nuk do ketë ndëshkim
Do ketë armë dhe grupe njerëzish të hutuar
Toka do jetë e pavlerë
Ushqimi do të pakësohet
Energjia bërthamore do bjerë në dorën e masave
Shpërthime të njëpasnjëshme do përshkojnë tokën
Njerëz radioaktiv do i ngrenë kurthe njëri tjetrit
Ndërsa të pasurit dhe të zgjedhurit vështrojnë nga platforma në hapsirë
Ferri i Dantes do të duket si park lojrash për fëmijë
Dielli nuk do duket, do jetë gjithmonë natë
Pemët do vdesin, Bimësia do vdesi
Njerëzit radioaktiv do hanë të gjallë njëri tjetrin
Deti do helmohet
Liqenet dhe lumenjtë do zhduken
Shiu do jetë floriri i ri
Në errësirë do përhapet erë e keqe kufomash njerëzish e kafshësh
Pak të mbijetuarit do preken nga sëmundje të reja e të fshehta
Platformat në hapsirë do përpihen nga prishja
Nga mbarimi i rezervave
Nga degjenerimi i përgjithshëm
Dhe do ketë një heshtje mahnitëse e pa dëgjuar ndonjëherë
Lindur nga kjo
Dhe dielli ende i fshehur diku atje
Duke pritur kapitullin tjetër .
Më poshtë, Suad Bajrami dhe ekipi i Portalb-it ka bërë një radhitje kronologjike të të gjitha ndodhive më të rëndësishme politiko-sociale në vend të radhitura sipas datave dhe muajve përkatës.
JANAR
10 janar | Aktakuzë për “mashtrim” kundër kardiokirurgut Zhan Mitrev dhe spitalit të tij privat në lidhje me trajtimin e pacientëve me COVID-19 | https://wp.me/patqqI-3tZb |
10 janar | U arrestua Dragan Daravelski, ish drejtori i Doganave i cili kërkohej mbi 15 vjet për ta mbajtur burgun prej 7 vjetësh. Por, më pas u lëshua pasi vepra i është vjetërsuar | https://wp.me/patqqI-3tZZ |
11 janar | Krerët e partive politike shqiptare në Maqedoninë e Veriut në mbajtën takim në Tiranë me kryeministrin, Edi Rama | https://wp.me/patqqI-3u0T |
17 janar | Arratisje filmike e të dënuarit Bekim Memeti në bashkëpunim me policinë e Burgut, Qeveria shkarkoi drejtorin për Zbatimin e Sanksioneve | https://wp.me/patqqI-3udH |
23 janar | Rasti “Titanik 2”, Mijalkov, Thaçi dhe të gjithë të akuzuarit u dënuan me nga dy vjet burg | https://wp.me/patqqI-3upc |
30 janar | Arsovska u shkarkua nga pozita e kryetares së BNJVL-së, në vend të saj u emërua kryetari i komunës së Kisella Vodës Orce Georgievski | https://wp.me/patqqI-3uBQ |
SHKURT
3 shkurt | VMRO-DPMNE me ligj për amnisti për të dënuarit për dhunën në Kuvend më 27 prill të vitit 2017-të | https://wp.me/patqqI-3uMB |
4 shkurt | Pacientët me fibrozë cistike para Qeverisë së RMV-së kërkuan që shteti të sigurojë mjete për terapi për sëmundjen | https://wp.me/patqqI-3uOQ |
8 shkurt | U hakua sistemi i Fondit për Sigurim Shëndetësor, krerët shtetëror dyshojnë për luftë hibride | https://wp.me/patqqI-3uZD |
17 shkurt | Gazetarët e RMV-së në protestë, kërkuan nga institucionet kushte më të mira pune | https://wp.me/patqqI-3vhT |
22 shkurt | Kritika të ashpra pasi që familjarët e zyrtarëve u caktuan gjykatës e prokurorë | https://wp.me/patqqI-3vsX |
25 shkurt | Për shkak të abuzimeve, Ministria e Ekonomisë e ngriu çmimin e bukës në 33 denarë | https://wp.me/patqqI-3vyl |
28 shkurt | Aleanca për Shqiptarët në Qeveri hyri në Qeveri me tre ministra, Alternativa doli pasi iu morën postet | https://wp.me/patqqI-3vAJ |
MARS
1 mars | Dyqanet në Maqedoninë e Veriut disa ditë pa bukë, pasi prodhuesit hynë në grevë, por më pas rifilluan me prodhim | https://wp.me/patqqI-3vHT |
3 mars | Vazhdojnë kërcënimet për vendosje të bombave në Shkolla, krerët shtetëror theksojnë se vijnë nga Irani dhe Rusia | https://wp.me/patqqI-3vNC |
6 mars | Dy persona në mënyrë mafioze u vranë në kafenenë “Shisha bar” në afërsi të Çarshisë së Shkupit | https://wp.me/patqqI-3vUk |
8 mars | U nënshkrua marrëveshja për Korridorin 8 dhe 10D mes Qeverisë së RMV-së dhe Behtel-Enka, do të kushtojë 1.3 miliardë euro | https://wp.me/patqqI-3vXD |
18 mars | Në Ohër u arrit marrëveshje pa nënshkrim mes Kosovës dhe Serbisë, nëse nuk zbatohet do t’u bllokohet rruga eurointegruese | https://wp.me/patqqI-3wiD |
21 mars | Në burgun e Idrizovës u zbulua tunel në gjatësi prej 40 metra me qëllim që të burgosurit të arratisen | https://wp.me/patqqI-3wq3 |
21 mars | Drejtorët e “Magjar Telekom” Atila Sendrej, Rolf Plat dhe Zoltan Kishjuhas u dënuan me nga 8 vjet burg | https://wp.me/patqqI-3wqt |
24 mars | Ish shefi i Policisë Sekrete, Sasho Mijallkov u lira nga rasti “Parcelat në Vodno” | https://wp.me/patqqI-3wxS |
25 mars | RMV paralajmëroi dërgimin e 12 helikopterë si ndihmë për Ukrainën | https://wp.me/patqqI-3wza |
PRILL
3 prill | Apeli e shfuqizoi aktgjykimin për “organizatorët e 27 prillit”: Veljanovski, Janakiesi, Ristovski dhe Atanasov në rigjykim | https://wp.me/patqqI-3wR9 |
4 prill | Dënim me tre vjet e një muaj burg për pronarin e “DokazM” që shantazhonte dhe shpërndante urrejtje përmes portalit të tij | https://wp.me/patqqI-3wSx |
7 prill | Sasho Mijallkovit iu vjetrua vepra penale në “Titanik 2” | https://wp.me/patqqI-3x1f |
10 prill | U lëshua në përdorim asistentja digjitale “Ada”: Flet në tre gjuhë, përgjigjet në 260 pyetje | https://wp.me/patqqI-3×50 |
12 prill | Tragjedi: Një qen shtëpiak “bull mastiff” ka sulmuar për vdekje një fëmijë nga Shkupi | https://wp.me/patqqI-3x9g |
26 prill | Grupi punues për ndryshime kushtetuese filloi me punë, Caca Nikollovska u zgjodh kryetare, Bajram Pollozhani nënkryetar | https://wp.me/patqqI-3xAn |
26 prill | Në seancë të tensionuar, u shkarkua kryetarja e Këshillit Gjyqësor, Vesna Dameva. Valë reagimesh nga faktori i brendshëm dhe ndërkombëtar | https://wp.me/patqqI-3xzY |
27 prill | Kuvendi e miratoi ligjin për vaktin e subvencionuar ushqimor për studentët prej 140 denarësh në ditë | https://wp.me/patqqI-3xBu |
28 prill | Funksionarët i rritën pagat e veta për 78% apo rreth 1.000 euro | https://wp.me/patqqI-3xDT |
MAJ
4 maj | Në procedurë jotransparente Sashko Georgiev u zgjodh kryetar i Këshillit Gjyqësor të RMV-së, sektori civil kërkoi dorëheqjen e të gjithë anëtarëve bashkë me kryetarin | https://wp.me/peLRoV-182 |
9 maj | Apeli për të dytën herë e shfuqizoi aktgjykimin lirues për Llatasin në rastin “Lëndina” | https://wp.me/peLRoV-1lo |
12 maj | Zjarr në urën Bellasica të Shkupit, autorët s’u gjetën, ura u mbyll për qarkullim | https://wp.me/peLRoV-1rC |
12 maj | Shkupi në kaos me transportin publik, Danella Arsovska assesi të zgjidh problemin elementar me autobusët | https://wp.me/peLRoV-1rS |
12 maj | Ish-ministrja e Kulturës Elizabeta Kançeska-Milevska u shpall e pafajshme për rastin “Tenderët” | https://wp.me/peLRoV-1t8 |
17 maj | Dënim me burg, 1 vjet e 3 muaj për anesteziologun që shpërndau video në TikTok nga Gjinekologjia e Tetovës | https://wp.me/peLRoV-1B3 |
18 maj | Akuzë për dy uzurpatorë të cilët në oborrin e poliklinikës “Bit Pazar” tentuan të ndërtojnë parking | https://wp.me/peLRoV-1Gh |
22 maj | Ndërroi jetë muzikanti Ferus Mustafov | https://wp.me/peLRoV-1N0 |
25 maj | Ministria e Shëndetësisë e prezantoi platformën “Shëndeti Im” – një aplikacion celular që u mundëson ë qytetarëve të kenë qasje në të dhënat personale shëndetësore | https://wp.me/peLRoV-1U5 |
26 maj | Bilall Kasami dhe Afrim Gashi, të cilët u përçanë nga BESA, sërish u ribashkuan në një koalicion opozitar | https://wp.me/peLRoV-1VO |
31 maj | Biljana Angellova u zgjodh rektore e Universitetit “Shën Kirili dhe Metodi” | https://wp.me/peLRoV-22V |
QERSHOR
5 qershor | Aktgjykim për rastin e djegies së Spitalit Modular në Tetovë: Florin Besimi dhe Artan Etemi u dënuan me burg me kusht prej 1 vit e 6 muaj burgim, Boban Vuçevski u lirua nga akuza | https://wp.me/peLRoV-2h8 |
11 qershor | Ndërroi jetë kryetari i Lidhjes së Sindikatave të Maqedonisë, Darko Dimovski | https://wp.me/peLRoV-2wA |
13 qershor | SHBA dhe Maqedonia e Veriut nënshkruan plan 10-vjeçar për bashkëpunim në mbrojtje | https://wp.me/peLRoV-2zh |
14 qershor | Kuvendi miratoi ndryshimet në Ligjin për Gjendjen Civile, që mundëson zgjidhjen e të gjitha rasteve të që nuk kanë nënshtetësi | https://wp.me/peLRoV-2El |
20 qershor | Kryetari i Strugës dhe funksionari i lartë i BDI-së, Ramiz Merko u shpall person “non grata” nga SHBA | https://wp.me/peLRoV-2TO |
21 qershor | Kandidati i vetëm Jusuf Zejneli u zgjodh rektor i Universitetit të Tetovës | https://wp.me/peLRoV-2W6 |
22 qershor | Nipi i Ali Ahmetit u bë pronar i qendrës tregtare “Soravia”, reagime të shumta nga partitë | https://wp.me/peLRoV-2XW |
29 qershor | Me elemente pro-ruse Kisha Ortodokse në Shkup mbajti protestë kundër ligjit të gjinisë | https://wp.me/peLRoV-3aV |
30 qershor | U arrestuan ish-kryetari i Qendrës, Vlladimir Todoroviq dhe 10 bashkëpunëtorë për pastrim parash në projektin “Shkupi 2014” | https://wp.me/peLRoV-3dJ |
KORRIK
4 korrik | Dënim me kusht për Jankullovskën, Protugerin dhe Pepiqin, ndërsa për Janakieskin 3.5 vjet burg për parregullsi zgjedhore në rastin “Titanik 1” | https://wp.me/peLRoV-3py |
5 korrik | Gjykata Kushtetuese ndaloi përkohësisht vendosjen e grafës për përkatësinë etnike në certifikata | https://wp.me/peLRoV-3p5 |
6 korrik | Të akuzuarit në rastin “Softuerët” u shpallën fajtorë, dënime me burg deri në 8 vjet. Në mesin e të dënuarve edhe Dragi Rashkovski, ish sekretari i Qeverisë | https://wp.me/peLRoV-3up |
7-8 korrik | Punëtorët e Higjienës Komunale në protestë pasi drejtoresha përjashtoi nga puna dhjetëra punëtorë dhe nuk ua përmirësoi kushtet. Drejtoresha me polici i nxori kamionët që ta pastrojnë qytetin e mbytur nga mbeturinat, pasi punëtorët refuzuan të pastrojnë | https://wp.me/peLRoV-3Cr |
14 korrik | “Titanik 3”, funksionarët e BDI-së Ismet Guri dhe Ejup Alimi për të dytën herë u dënuan me nga tre vjet e gjysmë burg për asgjësimin e materialit zgjedhor | https://wp.me/peLRoV-3Qs |
19 korrik | Biznesmeni kontrovers nga RMV, Orce Kamçev, u vendos në listën e zezë të SHBA-së | https://wp.me/peLRoV-44a |
19 korrik | Funksionari i BDI-së Ismet Guri bashkë me dy persona tjerë të dyshuar për vjedhjen e 840 mijë eurove nga DAP | https://wp.me/peLRoV-42O |
GUSHT
8 gusht | Doganat e RMV-së konfiskuan fletëobligacione në vlerë prej 92 milionë dollarë | https://wp.me/peLRoV-4M4 |
10 gusht | Personat me diabet protestuan pasi që shteti 8 muaj i la pa gjilpëra dhe shirita për matjen e diabetit | https://wp.me/peLRoV-4S1 |
12 gusht | U themelua Partia Demokratike Evropiane, kryetar Arjanit Hoxha, i cili u largua nga Lëvizja Besa | https://wp.me/peLRoV-4VV |
13 gusht | U themelua partia Lëvizja Demokratike, kryetar Izet Mexhiti, i cili u largua nga BDI | https://wp.me/peLRoV-4X5 |
9 gusht | Pensionistët protestuan për rritje lineare të pensioneve | https://wp.me/peLRoV-4Ye |
16 gusht | Protestë në Tetovë: U kërkua shkarkimi dhe dënimi i prokurorëve, politikanëve dhe fajtorëve për zjarrin në Spitalin Modular | https://wp.me/peLRoV-52V |
18 gusht | Mbaroi debati në Kuvend për ndryshimet kushtetuese, shumica nuk i siguroi 80 vota | https://wp.me/peLRoV-58n |
25 gusht | Banorët e Komunës së Studeniçanit protestuan kundër ndotjes që shkakton deponia “Drislla” | https://wp.me/peLRoV-5o6 |
27 gusht | Kompania e afërt me BDI-në “Eurovia”, fitoi tenderin për përshtatjen e sallës “Boris Trajkovski” | https://wp.me/peLRoV-5rH |
SHTATOR
1 shtator | Aferë në Klinikën e Onkologjisë, barnat për të sëmurët me kancer janë vjedhur dhe u janë shitur pacientëve | https://wp.me/peLRoV-5Jw |
5 shtator | Komisioni për Mbrojtje nga Diskriminimi dorëzoi padi për Ministrinë e Arsimit për shkak mungesës së librave për shkollat fillore | https://wp.me/peLRoV-5Mu |
6 shtator | Ndërroi jetë nobelisti shqiptar Ferid Murad | https://wp.me/peLRoV-5N3 |
6 shtator | Kuvendi urgjentisht i miratoi ndryshimet skandaloze të Kodit Penal, me çka parashihet ulja e dënimeve për funksionarët. Reagime të ashpra nga ekspertët dhe qytetarët | https://wp.me/peLRoV-5Nl |
8 shtator | “32 vjet shtet, 32 vjet korrupsion që vret”, Tetova në protestë për dy-vjetorin e tragjedisë në spitalin modular | https://wp.me/peLRoV-5TX |
9 shtator | U themelua partia Lëvizja Populli, kryetar Skender Rexhepi, i cili u largua nga Alternativa | https://wp.me/peLRoV-5W8 |
15 shtator | Supremja i hodhi poshtë ankesat e të dënuarve në rastin “Monstra”, mbrojtja paralajmëroi ankesë në Strasburg | https://wp.me/peLRoV-6cr |
26 shtator | Deponia “Drislla” u dënua me 120.000 euro pasi që e ka ndotur lumin “Markova Reka” në afërsi të fshatit Batincë | https://wp.me/peLRoV-6yv |
29 shtator | Rritje e pranisë së arinjve në Mavrovë dhe Rostushë, Komuna kërkon të shpallet gjendje krize | https://wp.me/peLRoV-6FC |
TETOR
1 tetor | Hyri në fuqi vendimi për uljen e çmimeve të roamingut mes RMV-së dhe BE-së | https://wp.me/peLRoV-6IX |
10 tetor | Kryetari i Kumanovës Maksim Dimitrievski promovoi në Shkup partinë “Znam” | https://wp.me/peLRoV-71x |
12 tetor | Kryetarja e Qytetit të Shkupit e shkarkoi drejtoreshën e Higjienës Komunale, Kosana Mazneva, e cila për 1 vit përjashtoi nga puna mbi 100 punëtorë | https://wp.me/peLRoV-76g |
17 tetor | Sasho Mijallkovit iu vjetruan veprat për përgjimin e paligjshëm, qytetarët do të paguajnë të gjitha shpenzimet për avokatët e tij | https://wp.me/peLRoV-7fV |
20 tetor | Protestë në Shkup kundër sulmeve izraelite në Palestinë | https://wp.me/peLRoV-7nz |
25 tetor | Gjykata Evropiane e të Drejtave të Njeriut konstatoi shkelje të të drejtave dhe diskriminim ndaj romëve në RMV | https://wp.me/peLRoV-7zF |
30 tetor | U zbulua skemë mashtrimi: 20 të arrestuar për fshehje tatimi dhe larje parash në vlerë prej 8 milionë eurosh, 6 në arrati | https://wp.me/peLRoV-7IJ |
31 tetor | Pas hulumtimit të Portalb, Policia dorëzoi padi penale për uzurpatorët e parkingut mbrapa Poliklinikës “Bit Pazar” | https://wp.me/peLRoV-7LI |
NËNTOR
3 nëntor | Prokuroria tërhoqi akuzat për Gruevskin dhe Peshevskin, u vjetërsuan veprat penale në lëndën “Trajektorja” | https://wp.me/peLRoV-7SH |
8 nëntor | BFI shkarkoi myftiun e Tetovës dhe Strugës, myftiu i Tetovës kundërshtoi vendimin | https://wp.me/peLRoV-854 |
8 nëntor | U publikua Raporti i Progresit për RMV-në: Asnjë përparim në luftën kundër korrupsionit, shqetësues vjetërsimi i veprave penale | https://wp.me/peLRoV-84u |
14 nëntor | Mijalkov shpëtoi nga burgu prej dy vitesh për rastin “Titanik 2”, Apeli shfuqizoi akuzën pasi vepra u vjetrua pas ndryshimeve në Kodin Penal | https://wp.me/peLRoV-8gT |
17 nëntor | “Të dënuar për të vërtetën”, ShGM dhe SPGPM protestuan për vendimin skandaloz ndaj gazetarëve të IRL-së | https://wp.me/peLRoV-8m9 |
23 nëntor | Këshilli i Prokurorëve shkarkoi prokuroren Vilma Ruskovska | https://wp.me/peLRoV-8F0 |
27 nëntor | Është zhdukur 14-vjeçarja nga Shkupi Vanja Gjorçevska | https://wp.me/peLRoV-8OW |
28 nëntor | Partitë opozitare Lëvizja Besa, Alternativa dhe Lëvizja Demokratike zyrtarizuan koalicionin | https://wp.me/peLRoV-8S4 |
29 nëntor | U zgjodhën anëtarët e rinj të Komisionit Shtetëror për Mbrojtje nga Korrupsioni – Antikorrupsioni, ekspertët dhe shoqëria civile reaguan për ndikime politike | https://wp.me/peLRoV-8S1 |
30 nëntor | U mbajt Këshilli i 30-të Ministror i OSBE-së në Shkup: Dënime të ashpra për luftën në Ukrainë dhe bllokimin e OSBE-së | https://wp.me/peLRoV-8UC |
DHJETOR
1 dhjetor | Dy vjet e gjashtë muaj burg për Muhamed Zekirin për rastin e shërbimeve konsulentë për Postat dhe Hekurudhat, buxhetit duhet t’i kthejë mbi 1.1 milion euro | https://wp.me/peLRoV-8W2 |
1 dhjetor | Vendimet e Këshillit Ministror të OSBE-së 2023 që u mbajt në Shkup: Malta zyrtarisht kryesuese e re e OSBE-së për vitin 2024 | https://wp.me/peLRoV-8Xk |
3-4 dhjetor | 14-vjeçarja e zhdukur Vanja Gjorçevska dhe 74-vjeçari Panço Zhezhovski janë vrarë, Prokuroria: Lupço Palevski organizator dhe kryerës i vrasjes në arrati, katër të arrestuar tjerë përfshirë dhe babain e vajzës | https://wp.me/peLRoV-94v |
5 dhjetor | PISA publikoi rezultatet për 2022-shin, Maqedonia e Veriut shënoi rënie të përgjithshme në cilësinë e arsimit | https://wp.me/peLRoV-97A |
5 dhjetor | SHBA e vendosi në listë të zezë, Koço Angjushevin, biznesmenin i cili shërbeu si zv.kryeministër në mandatin e kryeministrit Zoran Zaev | https://wp.me/peLRoV-98e |
5-6 dhjetor | I dyshuari i parë për vrasjen e 14 vjeçares, Lupço Palevski është arrestuar në Turqi, RMV kërkoi ekstradim të shpejtë | https://wp.me/peLRoV-99v |
8 dhjetor | BDI paralajmëroi se kryeministër i parë do të jetë Talat Xhaferi, edhe pse në fushatë promovoi Naser Ziberin | https://wp.me/peLRoV-9fk |
13 dhjetor | U mbajt Samiti i BE-së: Synojmë afrimin e Ballkanit Perëndimor në BE, duke sjellë përfitime konkrete për qytetarët | https://wp.me/peLRoV-9pO |
19 dhjetor | Në Shkup u mbajt konferenca e 19-të ndërkombëtare “eShoqëri.mk” me temë “Inteligjencës Artificiale dhe të Drejtave të Njeriut: Gjetja e ekuilibrit të duhur midis inovacionit dhe përgjegjësisë” | https://wp.me/peLRoV-9kn |
19 dhjetor | Kryeprokurori Lubomir Joveski e mbaroi mandatin dhe shkoi në pension, Këshilli i Prokurorëve nga 3 kandidatë vetëm Lupço Kocevskit ia pranoi kandidaturën | https://wp.me/peLRoV-9C8 |
LEXO NGJARJET E VITEVE PARAPRAKE
- TË GJITHA NGJARJET GJATË VITIT: 2022
- TË GJITHA NGJARJET GJATË VITIT: 2021
- TË GJITHA NGJARJET GJATË VITIT: 2020
- TË GJITHA NGJARJET GJATË VITIT: 2019
- TË GJITHA NGJARJET GJATË VITIT: 2018
- TË GJITHA NGJARJET GJATË VITIT: 2017
- TË GJITHA NGJARJET GJATË VITIT: 2016
- TË GJITHA NGJARJET GJATË VITIT: 2015
- TË GJITHA NGJARJET GJATË VITIT: 2014
- TË GJITHA NGJARJET GJATË VITIT: 2013
- TË GJITHA NGJARJET GJATË VITIT: 2012