Nesër do të fillojnë ndeshjet e javës së XIV-të në futbollin e Maqedonisë së Veriut

By F. C. On 20/11/2025 19:40

Ndeshje futbolli në Ligën e Parë në Maqedoninë e Veriut. Shkupi - Struga. Foto nga Portalb.mk

Në Maqedoninë e Veriut nesër do të luhen ndeshjet e javës së XIV-të në Ligën e Parë. Ndeshja e parë do të luhet në Gjorçe Petrov, Shkup, transmeton Portalb.mk.

Nesër duke filluar prej orës 13:00 do të luhet ndeshja ndërmjet Makedonija Gj.P. dhe Sileksit.

Të shtunën në Strugë do të luaj KF Shkupi kundër Pelisterit. Kjo ndeshje do të fillojë prej orës 13:00. Në të njëjtën kohë, në Strumicë do të luaje Akademia Brera kundër Vardarit.

Të dielën, në Kavadar do të luhet ndeshjet ndërmjet Tikveshit dhe Bashkimit nga ora 13:00, kur edhe do të fillojë ndeshja ndërmjet Arsimit dhe Shkëndijës në Gostivar.

Derbi i kësaj jave do të luhet në Shkup të hënën nga ora 13:00. Rabotniçki do të pret Strugën në stadiumin “Todor Proeski”.

Kampion i Ligës së Parë në sezonin 2024/25 u shpall Shkëndija e Tetovës, ndërsa Vardari fitues i Kupës. Në sezonin 2025/26 në Ligën e Parë luajnë Shkëndija, Struga, Shkupi, Bashkimi dhe Arsimi që u kualifikua nga Liga e Dytë për herë të parë.

Në çerekfinale të Kupës së Maqedonisë së Veriut janë kualifikuar këto ekipe: Shkëndija e Haraçinës, Struga Trim&Lum, Shkëndija e Tetovës, Sileksi, Rabotniçki, Detoniti, Ohri Liknidos dhe Vardari.