“Mos u shqetësoni për mua”, tha Navalni nga burgu në Arktik
Lideri i opozitës ruse Alexei Navalny u tha mbështetësve të tij përmes rrjeteve sociale që të mos shqetësohen për të. Ai foli për herë të parë që nga 6 dhjetori, konfirmoi se ndodhet në një burg në Arktik dhe thotë se po kalon mirë, transmeton Portalb.mk.
Ekipi i tij humbi kontaktet me të pasi ai u zhvendos nga në një tjetër burg. Navalny, kritiku më i zëshëm i presidentit rus Vladimir Putin, ndodhet në burg që nga viti 2021.
Duke shkruar në Rrjetin X, Navalny tha se ai ishte “Babagjyshi i ri”, duke konfirmuar se ishte transferuar në burgun IK-3, i njohur si “Ujku Polar”, në qytetin verior të Karp, 1,900 km në veri-lindje të Moskës.
1/9 I am your new Santa Claus.
Well, I now have a sheepskin coat, an ushanka hat (a fur hat with ear-covering flaps), and soon I will get valenki (a traditional Russian winter footwear). I have grown a beard for the 20 days of my transportation.
— Alexey Navalny (@navalny) December 26, 2023
“IK-3” konsiderohet si një nga burgjet më të vështira në Rusi dhe shumica e të burgosurve atje janë të dënuar për krime të rënda.
“Më thanë se më kishit humbur dhe disa prej jush ishin të shqetësuar. Ju falënderoj shumë për mbështetjen! Mos u shqetësoni për mua. Jam mirë”, tha Navalny.
Navalny ishte në burg në Melehovo, 235 kilometra në lindje të Moskës. Ai është dënuar me 19 vjet burg për themelimin dhe financimin e një organizate ekstremiste, akuza që ai i hedh poshtë si të motivuara politikisht.