Testet e reja tregojnë se Alexei Navalny u helmua, njoftoi e veja e tij

Yulia Navalnaya, e veja e figurës opozitare ruse Alexei Navalny, tha se testet laboratorike mbi mostrat biologjike të marra nga burri i saj treguan se ai ishte helmuar, transmeton Portalb.mk.

Navalny ishte 47 vjeç kur vdiq papritur më 16 shkurt 2024, në një koloni burgu rus, duke e lënë opozitën ruse pa udhëheqësin e saj karizmatik dhe popullor. Navalnaya e ka akuzuar vazhdimisht Rusinë për vrasjen e burrit të saj, një akuzë që Kremlini e ka mohuar.

Ajo postoi një video në X në të cilën tha se mostrat biologjike nga Navalny u kontrabanduan jashtë vendit vitin e kaluar, me dy laboratorë që ekzaminuan materialin.

“Këto laboratorë në dy vende të ndryshme arritën në të njëjtin përfundim: Alexei u vra. Më saktësisht, ai u helmua”, tha Navalnaya.

Ajo u kërkoi laboratorëve të publikonin gjetjet e tyre, pa zbuluar se çfarë helmesh u gjetën.

Vitin e kaluar, Navalnaya hodhi poshtë pretendimin e hetuesve rusë se Navalny vdiq nga një “kombinim sëmundjesh”. Inteligjenca amerikane përcaktoi se Vladimir Putin nuk urdhëroi vrasjen e Navalny-t.