Mariçiq-Varheji: Maqedonia e Veriut vendin e ka në BE, tani është momenti për përshpejtimin e procesit të anëtarësimit
Zëvendëskryeministri për Çështje Evropiane, Bojan Mariçiq, sot në Bruksel ka zhvilluar takim me Komisionerin Evropian për Zgjerim, Oliver Varhei, në të cilin temë e bisedës kanë qenë aktualiteti politik i brendshëm, rrjedha e procesit të skriningut dhe pritshmëritë para publikimi i Raportit të progresit për vitin 2023, transmeton Portalb.mk.
Në takim, zëvendëskryeministri Mariçiq theksoi se anëtarësimi në BE mbetet prioritet kyç i politikës së jashtme për Qeverinë dhe se po bëhen të gjitha përpjekjet që Maqedonia e Veriut të mbetet në procesin e negociatave dhe të avancojë me vendet e tjera të rajonit.
Në takim, Komisioneri Evropian për Zgjerim, Oliver Varheji, paralajmëroi Raportin e ri për progresin e Maqedonisë së Veriut për vitin 2023, për të cilin tregoi se në këtë fazë të procesit të anëtarësimit të Maqedonisë së Veriut në BE, do të vendosë synime shumë më të larta si dhe udhëzimet në Udhërrëfyes për përmirësimin e rezultateve në të gjitha fushat.
Në takim u shqyrtua edhe plani i ri i BE-së për integrim të përshpejtuar të Ballkanit Perëndimor, me të cilin bashkëbiseduesit ranë dakord se është një mesazh i mirë dhe i fortë për rajonin se duhet të përgatitet më shpejt për anëtarësimin në BE dhe me hapa konkretë në thelb të shkojë drejt integrimit të plotë në Bashkimi.
Planet e BE-së dhe përkushtimi ndaj perspektivës evropiane të Ballkanit Perëndimor, sipas Mariçiq, e bëjnë anëtarësimin në BE të arritshëm dhe realist për ne dhe se duhet ta shfrytëzojmë këtë moment pozitiv politik, sepse pasi sipas tij kjo është një mundësi që nuk dihet se kur dhe nëse do ta kemi përsëri.
Zëvendëskryeministri Mariçiq sot do të takohet edhe me drejtorin e Drejtorisë së Përgjithshme për Politikat e Fqinjësisë dhe Negociatat e Zgjerimit në Komisionin Evropian (DG NEAR), Gert Jan Kopman dhe Komisionerin Evropian për Buxhetin dhe Administratën, Johannes Hahn, si dhe merrni pjesë në Forumin dyditor Global Gateway”, të organizuar nga Presidentja e Komisionit Evropian, Ursula von der Leyen, e cila do të mbajë edhe një fjalim hapjeje.
Kujtojmë se më 18 gusht 2023 në Kuvendin e Maqedonisë së Veriut debati për fillimin e ndryshimeve kushtetuese mbaroi brenda pak orësh. Votimi nuk dihet ende kur do të bëhet.
Në mënyrë që të bëhen ndryshimet kushtetuese duhet dy e treta e votave, konkretisht 80 vota nga gjithsej 120 deputetë në Kuvend.
Partia më e madhe opozitare VMRO-DPMNE është deklaruar se nuk do t’i mbështesë këto ndryshime, ndërsa edhe nga opozita shqiptare kanë kushtëzuar që nuk do t’i votojnë ndryshimet nëse nuk ndryshohet definimi i 20% për gjuhën shqipe në Kushtetutë.
Ndryshimet kushtetuese nënkuptojnë shtimin e bullgarëve dhe kombeve tjera në Kushtetutë.
Kjo vjen si rezultat i asaj që Maqedonia e Veriut pas 17 vitesh me 19 korrik të vitit 2022 filloi bisedimet qasëse me BE-në me mbajtjen e konferencës së parë ndërqeveritare.
Megjithatë, negociatat nuk do të fillojnë derisa të bëhen ndryshimet kushtetuese. Nëse nuk bëhen ndryshimet kushtetuese deri në nëntor të këtij viti, procesi eurointegrues i RMV-së rrezikon të bllokohet përsëri.
- LEXO: Zbehen pritjet për miratimin e ndryshimeve kushtetuese në Maqedoninë e Veriut
- LEXO: Mariçiq: Rajoni do të ecë përpara drejt BE-së dhe ne duhet të jemi në të njëjtin hap, nuk ka pengesa të pakapërcyeshme
- LEXO: Ambasadori holandez në RMV: Taksapaguesit tanë ju japin para, ndërsa këtu gjithçka ka ngecur për shkak të korrupsionit dhe nepotizmit
- LEXO: Kovaçevski – Sholc: RMV të vazhdojë rrugën e saj evropiane, kemi inkurajim dhe mbështetje të fuqishme nga Gjermania
- LEXO: Kovaçevski-Varheji: RMV duhet të bëhet sa më shpejt pjesë e BE-së, procesi i integrimit evropian pritet të vazhdojë