Disa të hospitalizuar në Austri pasi morën ilaç të falsifikuar për diabet “Ozempik”, me të cilin abuzohej edhe në RMV
Disa njerëz janë hospitalizuar në Austri pasi morën një version të falsifikuar të ilaçit për diabet Ozempik për të humbur peshë, thanë autoritetet, pasi Agjencia Evropiane e Barnave javën e kaluar paralajmëroi për përhapjen e stilolapsave të rreme Ozempik në të gjithë Evropën. Zyra Federale e Krimit të Austrisë tha se nëse nuk do të ishin trajtuar menjëherë, personat që kishin marrë ilaçin e falsifikuar mund të kishin vdekur, transmeton Portalb.mk.
“Shiringat mund të merren ligjërisht nga mjekët vetëm përmes farmacive ose mjekëve që kanë farmaci në shtëpi. Në këtë rast, shiringat me siguri janë marrë në një mënyrë tjetër”, thuhet në një deklaratë të agjencisë së krimeve.
Organizatat kriminale po shfrytëzojnë pengesat për shpërndarjen e ozempikut, një ilaç gjithnjë e më popullor për humbjen e peshës për diabetin. Ata shesin produkte të falsifikuara që përmbajnë insulinë në vend të semaglutide, përbërësi aktiv i Ozempik, ka paralajmëruar Zyra Federale e Shëndetësisë Austriake. Furnizimet nga grupi i prekur mund të jenë ende në qarkullim ose mjekë të tjerë mund t’i kenë marrë ato përmes kësaj rruge, paralajmëruan autoritetet, duke këshilluar njerëzit që të asgjësojnë falsifikimet e mundshme “nga burime të dyshimta” për të shmangur rrezikimin e shëndetit të tyre.
Belgjika ka njoftuar ndërkohë një ndalim të përkohshëm të përdorimit të ilaçit për humbje peshe për disa javë ose muaj për të mbrojtur furnizimet për pacientët me diabet.
“Është e domosdoshme të mbrohet ky ilaç i çmuar për njerëzit që kanë absolutisht nevojë për të. Pa këtë ilaç, këta pacientë janë të ekspozuar ndaj rreziqeve reale për shëndetin”, tha ministri i Shëndetësisë Frank Vandenbroek, duke shtuar se një grup pune do të mblidhet sot për të diskutuar ndryshimet e mundshme në legjislacionin belg për të rezervuar ilaçin për trajtimin e pacientëve me diabet të tipit 2.
Në korrik, Agjencia maqedonase për barna dhe pajisje mjekësore, MALMED, paralajmëroi se ilaçi për diabetin “ozempik”, i cili është i regjistruar në Maqedoni dhe është i indikuar për trajtimin e të rriturve me diabet tip 2 të kontrolluar në mënyrë të pamjaftueshme, si shtesë e dietës dhe aktivitetit fizik, po keqpërdoret në vend.
“Agjencia e Barnave apelon që ilaçi ‘ozempik’ është i regjistruar ekskluzivisht për trajtimin e pacientëve të rritur me diabet tip 2, i cili lëshohet vetëm me recetë të mjekut. Përdorimi i barit dobësues është jashtë zonës së indikacionit të aprovuar, i ashtuquajturi përdorim “off-label” për të cilin mjeku që e përshkruan recetën është personalisht përgjegjës dhe duhet ta njoftojë MALMED-in për të njëjtën gjë”, tha Agjencia.
Agjencia e Barnave dhe Pajisjeve Mjekësore ka marrë edhe një raport nga mbajtësi i autorizimit për nxjerrjen e barit në treg për një ilaç të falsifikuar në territorin e vendit tonë. Agjencia thekson mundësinë e shfaqjes së falsifikimit në treg dhe nevojën për kujdes më të madh gjatë blerjes së ilaçit.
“Inspektorët farmaceutikë, sipas informacioneve të dhëna në raport, kryejnë kontrolle të jashtëzakonshme në farmaci. Duam të theksojmë rëndësinë e blerjes së barnave nga burimet e autorizuara të prokurimit (personat juridikë të autorizuar që kanë miratimin për shitje me pakicë të barnave të lëshuar nga Agjencia për Barna dhe Pajisje Mjekësore), me qëllim të përdorimit të barnave me cilësi të konfirmuar dhe siguria që miratohen me ligj”, thonë nga MALMED.