Filloi gjyqi për pagat e papaguara të punonjësve në Shtypshkronjën “Napredok”
Gjyqi për pagat e papaguara të punonjësve në Shtypshkronjën Napredok ka filluar në Gjykatën e Tetovës, pasi ata paraqitën një kallëzim penal në Prokurori. Seanca kryesore filloi pas vonesave të shumta që nga janari i vitit 2024, raporton Tetovoinfo.mk, përcjell Portalb.mk.
Në seancën e sotme, gjykata regjistroi provat me shkrim dhe gjetjet e një eksperti, të paraqitura nga një avokat i punonjësve dhe i Prokurorisë, si dhe nga mbrojtja. Me kërkesë të mbrojtjes, seanca kryesore do të vazhdojë në nëntor me dëgjimin e ekspertëve. Seanca është caktuar për 10 nëntor në orën 10:00.
Punonjësit janë gjithashtu të kënaqur që gjyqi për pagesën e pagave të tyre më në fund ka filluar.
Përveç padisë penale të paraqitur nga punonjësit, po zhvillohen edhe procedurat e falimentimit për Shtypshkronjën “Napredok”.
Ndryshe, ish-punëtorët e shtypshkronjës ‘Napredok’ në Tetovë protestojnë për 10 rrogat të cilat nuk i kanë marrë, për shkak të mbylljes së shtypshkronjës.
Rreth 40 ish-punonjës kanë mbetur me paga të prapambetura. Ata thonë se nuk iu intereson kush është fajtori, ju intereson t’i marrin rrogat e tyre.