Dogana sekuestroi rreth 5 kilogramë stoli argjendi dhe bizhuteri në Aeroportin e Shkupit

By N. D. On 10/10/2023 11:50

Stoli të sekuestruara argjendi, bizhuteri. Foto: Dogana e RMV-së

Rreth 5 kilogramë stoli argjendi dhe biuzhuteri janë sekustruar nga ana e doganierëve në Aeroportin Ndërkombëtarë të Shkupit pasi shtetas të huaj nuk i kanë deklaruar stolitë me çka kanë bërë shkelje të rregullave doganore, transmeton Portalb.mk.

Në njërin rast bëhet fjalë për rreth katër kilogramë stoli argjendi dhe bizhuteri ku shtetasi britanik, pronar i një argjentarie, ka tentuar të nxjerrë jashtë vendit, pa i deklaruar mallërat me karakter tregtar te doganjerët. Stolitë janë zbuluar gjatë kontrollit të bagazheve të dorës dhe bagazheve shtesë, të cilat u kërkuan nga ana e doganierëve pas kontrollit të kartës së pasagjerit.

Në rastin e dytë, gjatë hyrjes në vend, janë sekuestruar 123 copë stoli argjendi të zbuluara pas kontrollit të një pasagjeri, shtetas turk, i cili udhëtonte nga Stambolli.

“Drejtoria e doganave në kuadër të kompetencave të saj vazhdon të kryejë aktivitete për mbështetjen e tregtisë legale dhe parandalimin e ekonomisë gri”, thonë nga Dogana.

Stoli të sekuestruara argjendi, bizhuteri. Foto: Dogana e RMV-së

Ar (stoli)Argjend Dogana Drejtoria e doganave RMV