A do të arrijë “Threads” t’i mbajë përdoruesit e saj?
Me 100 milionë përdorues në ditën e parë të ekzistencës së rrjetit të ri social – “Threads”, Mark Zuckerberg thotë se kanë marrë më shumë përdorues sesa pritej, shkruan BBC, transmeton Portalb.mk.
Por pyetja ende qëndron, a do të jetë e mundur të mbahen përdoruesit?
Ndërmarrjet e analizimit të të dhënave të kontraktuara raportojnë se krijimi i profilit dhe koha e kaluar në platformë po zvogëlohet.
Zuckerberg thotë se suksesi fillestar i befasoi drejtuesit dhe se ata po shohin më shumë njerëz që kthehen çdo ditë nga sa priste.
“Ne kemi shumë punë për të bërë për të arritur me të vërtetë potencialin e plotë të Threads” tha ai.
Meta, kompania drejtuese e Facebook, Instagram dhe WhatsApp, raportoi një rritje të shitjeve të reklamave dhe rritje të qëndrueshme të përdoruesve me 3.07 miliardë njerëz globalisht aktivë në aplikacionet e tyre çdo ditë.
Fitimet sugjerojnë se Meta po del nga rënia e vitit të kaluar, kur shitjet e reklamave ranë mes rritjes së konkurrencës dhe dobësisë së përgjithshme ekonomike.
Meta tha se gjeneroi 32 miliardë dollarë në shitje reklamash midis prillit dhe qershorit, 11 përqind më shumë se një vit më parë. Ky është një rezultat më i mirë se pritshmëritë e analistëve. Meta punësoi rreth 71 mijë persona në fund të qershorit, 14 përqind më pak se një vit më parë.
“Ka shumë optimizëm për Metën për momentin,” tha analistja Debra Aho Williamson për BBC. Ajo shton se kompania ende duhet të “lundrojë” në një treg të dobët reklamash dhe konkurrencë të ashpër në reklama dhe inteligjencë artificiale.
- LEXO: Zuckerberg lançoi aplikacionin Threads, synon ta tejkalojë Twitterin
- LEXO: Twitter kërcënoi me veprim ligjor ndaj aplikacionit Threads
- LEXO: Threads kaloi 100 milionë përdorues më shpejt edhe se ChatGPT
- LEXO: Norvegji, kompanisë Meta i kërcënohet gjobë ditore prej 100 mijë dollarësh
- LEXO: Meta bllokoi qasjen e përdoruesve Evropianë në Threads përmes VPN