Udhëto në kohë me Old Maps Online: Mësoje historinë si asnjëherë më parë

Imagjino të zmadhosh hartën e shtetit tënd dhe papritur të ndodhesh në mes të një mbretërie mesjetare. Ose të lëvizësh nëpër Evropë dhe të shohësh si kanë ndryshuar kufijtë pas betejave epike. Tingëllon si lojë, apo jo? Por është histori e vërtetë — dhe mund ta provosh dhe hulumtosh falas në OldMapsOnline.org, transmeton Portalb.mk.

Old Maps Online është si Google Maps por me një makinë kohe. Ky website mahnitës të lejon të shikosh mijëra harta historike nga e gjithë bota, që datojnë qindra vite më parë. Nëse je kureshtar të shohësh kush ka sunduar me  vendin tënd në vitin 1800 apo dëshiron të shikosh hartën e botës si ka qenë e ndarë në kohën e zbulimeve të mëdha, ky është sajti që të duhet ta vizitosh. 

Nuk ke nevojë të jesh historian për t’i kushtuar vëmendje këtij sajti. Thjesht zgjidhe një vend, zgjidh një periudhë kohore dhe shiko historinë teksa zhvillohet para syve të tu. Mund të zbulosh fusha betejash të harruara, perandori të zhdukura, rrugë të lashta tregtare apo thjesht si kanë ndryshuar emrat dhe vendet me kalimin e kohës. 

Perfekt për studentë, gejmera, shkrimtarë apo thjesht për njerëz kureshtar, Old Maps Online e bën eksplorimin e të kaluarës një aventurë epike. Prandaj, nëse je gati për një udhëtim nëpër kohë dhe hapësirë, mjafton një klikim. Harta drejt së kaluarës të pret!