U gjet i vdekur drejtori i televizionit ‘Alsat-M’, Lirim Hajredini

Mëngjesin e sotëm është gjetur i vdekur drejtori operativ i televizionit “Alsat-M“, Lirim Hajdredini, transmeton Portalb.mk.

Trupi i tij i pajetë është gjetur në afërsi të qendrës tregtare „Mavrovasja”.

Rastin e ka konfirmuar edhe Ministria e Punëve të Brendshme.

“Sot (13.08.2026), rreth orës 09:25, në SPB Shkup është raportuar se para një ndërtese në bulevardin „Krste Misirkov“ në Shkup ndodhet një person me lëndime. Në vendngjarje kanë dalë zyrtarë policorë nga Stacioni Policor Bit Pazar, të cilët kanë konstatuar se bëhet fjalë për L.H. (38) nga Shkupi. Personi ka ndërruar jetë si pasojë e lëndimeve të marra, ndërsa vdekjen e ka konstatuar mjeku i Ndihmës së Shpejtë Mjekësore”, informoi Ministria e Brendshme.

Për rastin është njoftuar prokurori publik dhe aktualisht po kryhet këqyrja e vendit të ngjarjes.

Shoqata e Gazetarëve të Maqedonisë (SHGM) ka shprehur ngushëllime për familjen, kolegët, miqtë dhe të gjithë ata që e njihnin dhe bashkëpunuan me Lirim Hajredinin.

Hajredini për më shumë se 16 vjet ushtroi funksionin e drejtorit operativ të televizionit Alsat.