Stafi i makinistëve të Hekurudhave të RMV-së kërkuan largim kolektiv nëse kolegët e tyre pezullohen nga puna
Udhëheqësia e Hekurudhave të RMV-Transport ka përgatitur një listë me 12 punonjës të kompanisë të cilët do të pezullohen nga puna për shkak të bojkotit aktual, i cili ka rezultuar me pezullimin e transportit hekurudhor të udhëtarëve dhe mallrave në vend për të shtatën ditë, informoi dje Toni Dimovski, përfaqësues i stafit mekanik në Hekurudhat e RMV-Transport dhe kryetar i Sindikatës së makinistëve, transmeton Portalb.mk.
Në një prononcim për Meta.mk, ai thotë se nëse vërtet 12 kolegë suspendohen apo marrin vendime për shkarkim, atëherë kërkojnë nga ekipi menaxhues që të pushohen të gjithë makinistët.
Dimovski thotë se që prej sot administrata do të nxjerrë vendim për shkarkimin e të gjithë makinistëve dhe në atë rast shteti do të mbetet pa personel makinerik që do të drejtojë trenat. Ky është qëndrimi i makinistëve që janë në bojkot për të shtatën ditë.
Toni Dimovski thotë se për pagën bazë prej 23.000 denarë që e marrin në Hekurudhat e RMV-Transport, mund të punojnë diku tjetër dhe me këtë të mos maltretohen. Ndryshe, derisa zgjat bojkoti i trenave, në vend nuk qarkullojnë trenat e udhëtarëve dhe mallrave.
Hekurudhat RMV-Transport pardje kanë dërguar një deklaratë, në të cilën thuhet se ndërprerja e qarkullimit hekurudhor po i shkakton dëme të mëdha materiale dhe jomateriale ekonomisë, si dhe dy ndërmarrjeve hekurudhore në vend.
Menaxhmenti i RMV-Transport Hekurudhave është i mendimit se ndërprerja e punës, përkatësisht bojkoti është i paligjshëm, sepse nuk është i organizuar në përputhje me Ligjin për Marrëdhëniet e Punës dhe Kontratën Kolektive. Ekipi menaxhues paralajmëroi se do të marrë të gjitha masat ligjore për të rivendosur qarkullimin hekurudhor në vend.
Punonjësit bojkotues shpresojnë të marrin mbështetje në ndërprerjen e punës nga kolegët e tyre në ndërmarrjen publike të infrastrukturës hekurudhore dhe informojnë se po vazhdojnë bojkotin.
Drejtuesit e makinave në Hekurudhat e RMV-Transport dje demantuan njoftimin e menaxhmentit të hekurudhës shtetërore, duke hedhur poshtë pretendimin se kanë marrë pagë prej 60.000 denarë dhe duke informuar se paga e tyre bazë është 23.000 denarë.
Prej shtatë ditësh ka filluar bojkoti i stafit makinerik, të cilët kërkojnë rritje page dhe pagesë të gjysmës së rrogës së korrikut. Deri tani nuk janë ftuar ende për bisedë nga kryesia e Hekurudhave të RMV-së.