RMV, paraburgim për djalin i cili e mbyti nënën dhe pastaj u dorëzua në Polici
Prokuroria Themelore Publike ka propozuar paraburgim për djalin i cili pasi e kishte therë nënën me thikë, kishte shkuar në Polici për vetëdorëzim, transmeton Portalb.mk.
“Prokuroria Publike e Kavadarit lëshoi një Urdhër për të zhvilluar një procedurë hetimore kundër një 27-vjeçari nga Rosomani i dyshuar për një vepër penale – Vrasje në përputhje me Nenin 123 paragrafi 2 pika 2 e Kodit Penal”, raportoi Prokuroria, duke propozuar paraburgim për të dyshuarin.
Vrasja kishte ndodhur në Rosoman, kur djali e kishte therë me thikë kuzhinë nënën, derisa ajo po ishte duke fjetur.
Ndryshe, një djalë e vrau nënën e tij me një objekt të mprehtë në shtëpinë familjare në Rosoman këtë mëngjes (30 mars), pas së cilës u dorëzua në polici.
Kujtojmë se sipas të dhënave nga MPB-ja, në një periudhë prej pesë vitesh janë regjistruar madje 26 vrasje të grave. Në vitin 2021 u regjistruan katër vepra penale të “vrasjes”, në të cilat viktima ishin katër gra. Në vitin 2022, u regjistruan dy vepra penale të “vrasjes”, në të cilat viktima ishin dy gra. Vitin pasardhës, ky numër është 9, ndër të cilët njëra nga viktimat ishte një vajzë 14 vjeç. Në vitin 2024, u vranë pesë gra, njëra prej të cilave ishte një vajzë dyvjeçare, ndërsa vitin e kaluar u vranë 6 gra.