RMV, bastoret dhe kazinotë të zhvendosen nga shkollat, u miratua ligji i lojërave të fatit
Kuvendi sot në kuadër të seancës së 140-të miratoi ndryshimet dhe plotësimet në Ligjin për lojërat e fatit dhe lojërat argëtuese. Opozita VMRO-DPMNE kërkoi edhe një herë tërheqjen e tij, por shumica nuk e votoi propozimin, transmeton Portalb.mk.
Deputeti Aleksandar Nikollovski tha se në lotari ka dyshime të mëdha për krim, është keqpërdorur flamuri evropian dhe kontestohet dhënia e katër licencave për lojërat e fatit.
“Për ta bërë më të thjeshtë që fëmijët të mund të bastojnë ose të luajnë në telefon”, tha Nikollovski, duke shtuar se ligji është nënshkruar nga ministri Artan Grubi, duke kujtuar se ligji nuk mund të zbatohet në mënyrë retroaktive.
Kuvendi votoi vendimet për dërgimin e pjesëtarëve të Armatës së Republikës së Maqedonisë së Veriut për të marrë pjesë në operacionin ndërkombëtar të Bashkimit Evropian “ALTEA” në Bosnje dhe Hercegovinë dhe në operacionin ndërkombëtar të Organizatës së Kombeve të Bashkuara “UNIFIL” në Republikën e Libanit.
Para miratimit të rendit të ditës së seancës, deputetët për më shumë se një orë diskutuan për nevojën e miratimit të më shumë se njëzet ligjeve me procedurë të shkurtuar.
Ndër to janë propozimet për ligjin për luftimin e dopingut në sport dhe parandalimin e tij, ndryshimin dhe plotësimin e Ligjit për Akademinë për gjyqtarë dhe prokurorë publik, për garantimin e obligimeve të Republikës së Maqedonisë së Veriut nga Marrëveshja e huasë për financimin e rajonit. Projekti i gazifikimit, i cili do të përmbyllet ndërmjet Bankës Evropiane për Rindërtim dhe Zhvillim dhe shoqërisë aksionare shtetërore për transmetimin e gazit natyror NOMAGAS Shkup për zbatimin e Projektit Strategjik Investues “Solar Park Stipion” dhe Marrëveshjes për Projektin Strategjik Investues. “Solar Park Stipion”, për realizimin e projektit investues strategjik AIM GREEN TECH, për realizimin e projektit strategjik investues termocentrali MITILINEOS në Shkup dhe për realizimin e projektit investues strategjik termocentrali diellor – Pehçevë.
Zëvendëskryeministri për Çështje Ekonomike, Fatmir Bytyqi, duke sqaruar propozimet, tha se projekti Stipion duhet të ndihmojë në sigurimin e energjisë dhe se për herë të parë pas tridhjetë viteve të pavarësisë sonë do të ndërtohet një projekt i madh infrastrukturor që do të ofrojë më shumë se 60 përqind të totalit të prodhimit vendas të hidrocentraleve.
VMRO-DPMNE dhe Levica kërkuan që ligjet për Termocentralin Diellor në Pehçevë, për Parkun Diellor Stipion dhe për lojërat e fatit të mos jenë në rend dite.
Petar Risteski nga VMRO-DPMNE tha se në lidhje me termocentralin e gazit Mytilineos, deputetëve u është dërguar një letër nga Shoqata e Inxhinierëve, se kompania do të marrë ndihmë shtetërore prej 50 milionë euro dhe se shteti nuk do ta marrë pronësinë e saj. Sipas Risteskit, kjo marrëveshje është e dëmshme për shtetin.
Antonio Milloshoski nga VMRO-DPMNE kërkoi që ndryshimet dhe plotësimet në Ligjin për Akademinë për gjyqtarë dhe prokurorë të mos futen në rend dite, sepse me rifutjen e mundësisë së provimit me shkrim derogohet cilësia e gjyqtarëve dhe prokurorëve të ardhshëm.
Sipas propozim-ligjit për ndryshimin dhe plotësimin e Ligjit për lojërat e fatit dhe lojërat argëtuese, lokalet afariste në të cilat organizohen lojërat e fatit në një bastore dhe në klubin e automateve, lotaria në ambiente të mbyllura dhe lojërat elektronike të fatit duhet të vendosen në një distancë prej jo më pak se 500 metra nga shkollat fillore dhe të mesme.
Lëvizja Antibixhoz disa herë ka organizuar protesta për largimin e objekteve të lojërave të fatit nga vendbanimet, por pavarësisht ngritjes së zërit, autoritetet nuk i kanë zbatuar kërkesat e tyre.
- LEXO: Kërcënon Lëvizja Antibixhoz: Nëse deputetët nesër nuk e votojnë Ligjin për lojërat e fatit, do ta bllokojmë shtetin dhe zgjedhjet
- LEXO: Antibixhozi apeloi që deputetët të përkrahin ndryshimet në Ligjin për lojërat e fatit i cili sot është në Komisionin Parlamentar për Çështje Evropiane
- LEXO: RMV, ndryshimet në Ligjin për lojërat e fatit me flamurin evropian kaluan leximin e parë në Kuvend