Qytetarët e RMV-së furnizohen me perimet e fundit për dimër, çmimet mbeten shqetësim

“Çmimet ndryshojnë nga një tezgjë në tjetrën. Produktet janë shtrenjtuar dhe ne duhet të shikojmë se ku janë më lirë.00:20 00:42 Për shembull, kemi dalë të blejmë lakër, por kur pamë se një kilogram kushton 60 denarë, na u duk shtrenjtë. Prandaj, kalojmë nga një tezgjë në tjetrën për të parë se ku mund të gjejmë çmime më të volitshme”, tha një qytetar.

“Po i kemi bërë nga pak, ja kilogram, kilogram për një herë nuk ka. Çmimet të shtrenjtë janë po nuk kemi çka të bëjmë tani duhet të i kalojmë”, tha një qytetar tjetër.

Pavarësisht çmimeve, kërkesa për perimet që përdoren për përgatitjen e turshive vazhdon edhe në këtë periudhë. Tregtarët thonë se një pjesë e madhe e blerësve preferojnë t’i përgatisin vetë turshitë në shtëpi, ndërsa në treg ka ende produkte të ndryshme sezonale.

“Tani është sezoni i përgatitjes së turshive dhe ka shumë qytetarë që blejnë produkte për këtë qëllim. Rreth 70 deri në 80 për qind e blerësve kërkojnë perime për të përgatitur turshi në shtëpi, pasi preferojnë t’i përgatisin vetë dhe jo t’i blejnë të gatshme. Çmimet nuk janë shumë të larta. Kemi produkte të klasës së parë dhe të dytë, ndërsa çmimi i lulelakrës ka rënë dhe tani është më i lirë. Në treg kemi domate të gjelbra, speca të përzier, karota, tranguj të vegjël dhe produkte të tjera për përgatitjen e turshive. Ka blerës faleminder Zotit, ka dhe kërkesa për këto produkte është e mirë sepse njerëzit po i bëjnë turshit në shtëpi”, tha shitësi.

Por, përtej kërkesës për perimet e sezonit, tregtarët e produkteve të tjera thonë se shitjet nuk janë në nivelin e viteve të kaluara. Këtë e vërejnë edhe shitësit e mollëve, të cilët thonë se blerësit janë më të kujdesshëm, ndërsa shpenzimet e përditshme ua zvogëlojnë fitimin.