Prokuroria nuk jep detaje për paditë e Komunës së Tetovës kundër Teuta Arifit

Duke pasur parasysh fazën në të cilën janë procedurat, nuk mund të ndajmë detaje. Kështu thonë nga Prokuroria Publike e vendit për Portalb.mk në lidhje me dy paditë e Komunës e Tetovës në krye me kryetarin aktual, Bilall Kasamin kundër ish kryetares së Komunës, Teuta Arifit, për kontratat në vepër dhe për një lëndë të shpronësimit.

“Lëndët janë dorëzuar për procedim të mëtejshëm në Prokurorinë Themelore Publike Tetovë dhe i janë caktuar prokurorit publik, i cili vepron dhe merr masa për verifikimin e akuzave. Duke pasur parasysh fazën në të cilën janë procedurat, ne nuk mund të ndajmë më shumë detaje”, thanë për Portalb.mk, nga Prokuroria.

Ditë më parë, Komuna e Tetovës bëri të ditur se nga janari i këtij viti kanë angazhuar dy avokatë të jashtëm për procedurat juridike që komuna ka nisur ndaj menaxhmentit të mëparshëm.

Megjithatë të pyetur konkretisht në lidhje me këto dy rastet, nga Komuna e Tetovës nuk u përgjigjën në pyetjet gazetareske.

Përndryshe, bëhet fjalë për një rast shpronësimi i cili ka filluar që në vitin 1988, ku Komuna i kishte paguar pronarit 50 mijë euro, por më pas pronari kishte paditur komunën për çmimin, dhe kjo lëndë është zvarritur deri në vitin 2015 ndërsa Komunës i janë marrë mbi 1 milion euro kamatë. Gjykata e Apelit në fillim të këtij viti vendosi në favor të pales. Megjithatë, komuna nuk hoqi dorë nga padia. Ndërsa rasti tjetër është për kontratat në vepër të realizuara kur Teuta Arifi ishte në krye të Komunës së Tetovës.

Në lidhje me rastin e kontratave në vepër:

• LEXO: Prokuroria ende pa vendim se ku do të vazhdojë padia e Komunës së Tetovës kundër Teuta Arifit
• LEXO: Kasami shpresat i ka te Hajrullahi për padinë ndaj Arifit, pasi ajo e Krimit të Organizuar dhe Korrupsionit e refuzoi
• LEXO: Rasti i Tetovës, absurde është që buxheti komunal të mos konsiderohet si buxhet që e mbushin qytetarët

Në lidhje me rastin e shpronësimit:

• LEXO: Komuna e Tetovës e humbi rastin e shpronësimit, Kasami e vlerëson si presion politik
• LEXO: “Shpronësimi” në Tetovë, Komunës mund t’i kushtojë edhe 500 mijë euro shtesë
• LEXO: Prokuroria hodhi poshtë padinë e Komunës së Tetovës për rastin e shpronësimit
• LEXO: Fajtor është udhëheqësia e kaluar e Komunës së Tetovës e cila për një lëndë shpronësimi ka dëmtuar qytetarët një million euro
• LEXO: Gjykata konfirmoi pohimet e Kasamit: Udhëheqësia e kaluar komunale nuk ka bërë ankesë për shpronësimin e tokës
• LEXO: 1.1 milion euro kamatë për një parcelë në Tetovë, Kasami: Fajtor, gjykata dhe ish krerët e komunës
• LEXO: Komuna e Tetovës paditi Teuta Arifin, një zyrtar të afërt të saj, një gjykatës dhe një avokat për keqpërdorim të detyrës zyrtare
• LEXO: Padia kundër Teuta Arifit dhe zyrtarëve tjerë sot arriti në Prokurorinë për Krim të Organizuar dhe Korrupsion