Ministria e ndryshoi vendimin, shkollat në Maqedoninë e Veriut nuk do të punojnë të shtunën
Vendimi i Ministrisë së Arsimit dhe Shkencës për të punuar të shtunën për të kompensuar orët e humbura ditëve të zgjedhjeve, u anulua sot, transmeton Portalb.mk.
“Mësimi për ditët e votimit, 24 prill dhe 8 maj, si dhe 30 nëntor kur u organizua Samiti i OSBE-së në Shkup, do të kompensohen në ditët e punës dhe jo të shtunave”, sqaroi Ministria.
Në bazë të rekomandimit të Ministrisë, drejtorët e shkollave duhet të organizojnë procesin arsimor brenda ditëve të punës, ashtu që të kompensohen orët e humbura.
Ministria përkujtoi që 10 qershori është dita e fundit për nxënësit e shkollave të mesme, ndërsa 17 qershori për nxënësit e shkollave fillore.
Më 18 prill, Jakim Nedelkov, kryetari i Sindikatës për Arsim, Shkencë dhe Kulturë, ka reaguar pas vendimit të Ministrisë së Arsimit dhe Shkencës për zhvillimin e procesit arsimor edhe ditën e shtunë. Ministria paraprakisht kishte vendosur që dy të shtuna të jenë ditë pune në shkollat e Maqedonisë së Veriut për shkak zgjedhjeve, ndërsa një e shtunë tjetër të jetë ditë pune vetëm për shkollat e Shkupit, për shkak konferencës ndërkombëtare të OSBE-së që u mbajt në Shkup më 30 nëntor.
Maqedonia e Veriut ka përcaktuar 24 prillin dhe 8 majin, dy datat për mbajtjen e zgjedhjeve presidenciale dhe parlamentare. Gjatë këtyre dy ditëve nuk do të zhvillohet mësimi në shkolla, ndërsa në ditët paraprake mësimi do të zhvillohet prej orës 07:00 deri në ora 11:00.
- LEXO: RMV, kryetari i Sindikatës reagoi pas vendimit të Ministrisë që procesi mësimor të zhvillohet edhe të shtunën
- LEXO: Mësimi në shkollat e Maqedonisë së Veriut do të zhvillohet edhe të shtunën për shkak zgjedhjeve dhe konferencës së OSBE-së
- LEXO: RMV, në shkollat ku do të votohet do të ketë mësime të shkurtuara në ditët para zgjedhjeve
- LEXO: RMV, në ditët e zgjedhjeve nuk lejohet të punohet, por as Inspektorat i Punës nuk mund të dënojë nëse punohet
- LEXO: Shkup, vendet anëtare të OSBE-së miratuan deklaratë të përbashkët për sigurinë e gazetareve