RMV, në shkollat ku do të votohet do të ketë mësime të shkurtuara në ditët para zgjedhjeve
Nxënësit që ndjekin mësimet në shkollat ku do të votohet, në ditët para zgjedhjeve, 23 prill dhe 7 maj, do të vijojnë mësimin nga ora 07:00 deri në orën 11:00, transmeton Portalb.mk.
Siç njofton Ministria e Arsimit dhe Shkencës (MASH), mësimi i shkurtuar do të zbatohet vetëm për nxënësit e shkollave ku do të votohet në zgjedhje. Në shkollat ku nuk është planifikuar votimi, mësimi do të zhvillohet pa ndryshime sipas orarit të planifikuar.
“Mësimdhënia në vitin akademik 2023/2024 do të realizohet plotësisht siç parashihet me planet për organizimin e punës së shkollave fillore dhe të mesme. Ndonëse votimi në raundin e parë dhe të dytë zgjedhor është planifikuar në ditë pune, nxënësit nuk do të humbasin mësimin dhe nuk do të humbasin pjesë të materialit mësimor”, njofton Ministria e Arsimit.
Ministria rikujton se viti shkollor për nxënësit e shkollave të mesme zgjat deri më 10 qershor, kurse për nxënësit e shkollave fillore deri më 17 qershor.
Kujtojmë se 24 prilli 2024 (e mërkurë) dhe 8 maji 2024 (e mërkurë) të jenë ditë jo pune për të gjithë qytetarët e Republikës së Maqedonisë së Veriut.