Dorëheqje duhet të japin të gjithë anëtarët e Këshillit Gjyqësor në Maqedoninë e Veriut, vlerësoi Grupi Bluprint

By F. C. On 07/06/2023 21:13

Bluprint grupi për reforma në gjyqësor vlerësoi se vendimi i dy anëtarëve të Këshillit Gjyqsor që kanë paraqitur dorëheqje nga funksionet e tyre është në drejtim të mirë, duke vlerësuar që anëtarët tjerë gjithashtu duhet të bëjnë të njëjtë, raporton Meta, përcjell Portalb.mk.

Pas disa tensioneve në institucionin përgjegjës për emërimin dhe shkarkimin e gjyqtarëve, dorëheqje të parevokueshme dha Mirjana Radevska – Stefkova nga Gjykata Supreme dhe Zoran Gerasimoski nga Gjykata e Apelit në Shkup.

“Vlerësojmë se mënyra e vetme për kthimin e besimit dhe ruajtjen e integritetit të Këshillit Gjyqësor është zgjidhja e përbërjes së re të anëtarëve të zgjedhur në procedurë ligjore dhe transparente”, deklarojnë nga Bluprint Grupi, duke vlerësuar që kjo do të ndikon në rritjen e besimit te qytetaret dhe kthimin e pavarësisë së gjyqësorit.

Ata theksojnë se anëtarët e rinj duhet të jenë nga grupi i gjykatësve me integritet, që kanë cilësi të larta morale. Të përzgjedhurit nuk duhet të kenë lidhje me bartësit e funksioneve publike dhe politike ose ish-bartësit e këtyre funksioneve.

Kujtojmë se, më herët gjatë ditës së sotme (06.06.2023) gjykatësit Zoran Gerasimovski dhe Mirjana Radevska – Stefkova dhanë dorëheqje nga funksionet anëtarë të Këshillit Gjyqësor. Arsyet për këtë janë të panjohura për opinionin, ndërsa dorëheqjent i janë deponuar kryetarit Sashko Georgiev.