Lista e kandidatëve për deputetë të Frontit Evropian
Fronti Evropian i udhëhequr nga Bashkimi Demokratik për Integrim (BDI) dhe që përbëhet nga Partia Demokratike Shqiptare, Aleanca për Shqiptarët (Ziadin Sela), Lëvizja Populli, Partia Demokratike Europiane, Partia Demokratike Turke Unioni i Romëve, Lëvizja e Turqve të Maqedonisë për Drejtësi dhe Demokraci, Unioni Demokratik Boshnjak) në zgjedhjet parlamentare të majit do të garojë në të gjitha zonat zgjedhore të Maqedonisë së Veriut, Portalb.mk siguroi listat e plota të kandidatëve për deputetë.
Në zonën e parë bartës liste është Blerim Bexheti, në zonën e dytë Sadulla Duraku, në zonën e tretë Sulejman Baki, në zonën e katërt Enver Husejin, në zonën e pestë Ziadin Sela dhe në zonën e gjashtë Ali Ahmeti.
Në të gjashtë zonat zgjedhore do të garojë edhe koalicioni opozitar i partive shqiptare ‘Lidhja Evropiane për Ndryshim’ (LEN) që përbëhet nga Lëvizja Besa, Aleanca për Shqiptarët (Arben Taravari), Alternativa, Lëvizja Demokratike, Lëvizja Vetëvendosje.
Partitë maqedonase, LSDM-ja dhe VRMO-DPMNE-ja tani më kanë publikuar edhe listat e kandidatëve për deputetë në koalicionet e tyre.
Ndërkohë pritet që Komisioni Shtetëror i Zgjedhjeve të konfirmojë listat.
Në zgjedhjet parlamentare garojnë gjithsej 17 parti dhe koalicione.
Në Listën zgjedhore për zgjedhjet parlamentare janë regjistruar 1.815.350 zgjedhës.
Zgjedhjet parlamentare do të mbahen me 8 maj, ndërsa fushata do të fillojë me 18 prill dhe do të zgjasë deri me 6 maj.