Dha dorëheqje zëvendësministri i Shëndetësisë, Jovica Andovski
Zëvendësministri i Shëndetësisë në Maqedoninë e Veriut, Jovica Andovski, ka dhënë dorëheqje të cilën ia ka dorëzuar më 9 tetor kryeministrit Hristijan Mickoski ndërsa sot është depozituar në Kuvend, transmeton Portalb.mk.
Andovski shkruan se dorëheqjen e paraqet për arsye personale.
“Për mua ishte nder dhe përgjegjësi të isha pjesë e Qeverisë dhe të kontribuoja në avancimin e sistemit shëndetësor”, shkruan Andovski.
Kryeministri propozoi që dorëheqja e parevokueshme e Andovskit të konstatohet në seancën e parë të Kuvendit.
Andovski ishte zëvendësministër që nga fillimi i mandatit të kryeministrit Mickoski, gjatë së cilës periudhë janë ndërruar tre ministra të Shëndetësisë: Arben Taravari, Azir Aliu dhe Sasho Klekovski.
Kujtojmë se para dy javëve kryeministri paralajmëroi se së shpejti do të propozojë zëvendësministra të rinj.