Bojmacaliev: Mjeku Aco Trpovski u vra diku tjetër, jo në makinën e tij

Mjeku amë Aco Trpovski nuk është vrarë në veturën e tij, por në një vend tjetër të cilin ende duhet ta konstatojmë, ka thënë zëvendësministri shtesë i Punëve të Brendshme Mitko Bojmacaliev për “Sloboden Peçat”, transmeton Portalb.mk.

“Në një muaj kanë ndodhur dy ngjarje të pakëndshme në territorin e SPB Shkupi, vrasja e mjekut Aco Trpovski dhe të shtënat me armë në Haraçinë. Kishim arrestuar tre persona, por ata u liruan për mungesë provash. Sipas informacioneve tona, personi nuk është vrarë në makinë, por trupi është sjellë dhe është lënë në makinë. Motivet e vrasjes nuk janë zbuluar,” thotë Bojmacaliev.

Prokurori publik bazuar në këto rezultate, nuk do të kërkojë zgjatjen e masës së arrestit shtëpiak për tre personat, duke premtuar që do të vazhdojë me MPB-në të zbardh rastin.

Ndryshe, prokurori publik nga PThP Shkup më 28 mars ka dorëzuar te gjyqtari i procedurës paraprake nga Gjykata Themelore Penale Shkup propozim për caktimin e masës arrest shtëpiak afatshkurtër në kohëzgjatje prej 48 orësh për dy persona të dyshuar. Ata dyshohen në vrasjen e javës së kaluar, ku një mjek 67-vjeçar nga lagjja Hekurana e Shkupit u gjet i vrarë me thikë në veturën e tij të parkuar. Siç informuan nga MPB-ja, mjeku kishte një ordinancë private në poliklinikën “Hekurana”.

Trupi i tij i pajetë, siç bëhet me dije nga MPB-ja dhe Prokuroria Publike , është gjetur nga anëtarët e familjes së tij të ngushtë të cilët kanë kishin dalë ta kërkonin pasi nuk ishte kthyer nga puna në shtëpi.