U prezantuan raportet inspektuese në gjykimin për rastin “Puls”

By F. C. On 03/06/2026 18:32

Zjarri në diskotekën "Pulse" në Koçan. Foto: Teuta Buçi/Portalb.mk

Me prezantimin e provave për mbykëqyrjet inspektuese të inspektorëve komunalë, vazhdon gjykimi për zjarrin në diskotekën “Puls” në Koçan, raporton MIA.

Në seancën e sotme gjyqësore, prokurori vazhdoi me paraqitjen e provave materiale të cilat i referohen inspektimeve të aktiviteteve të hotelerisë të kryera nga Komuna e Koçanit. Në setin e provave përfshinte raporte mbi punën e inspektorëve, autorizimet e inspektorëve të ndërtimit, si dhe dokumentacionin për kryerjen e inspektimeve të përbashkëta dhe inspektimeve në terren.

Prokuroria paraqiti dhe vendime për punësimin e inspektorëve të autorizuar të ndërtimit, të cilat sipas tij janë të rëndësishme për përcaktimin e kompetencave dhe përgjegjësive në periudhën para zjarrit.

Avokati i të akuzuarit Shaban Saliu, Dimitar Dangov, reagoi se mbrojtja ka vështirësi serioze në gjurmimin e provave sepse disa nga dokumentet janë dorëzuar në një USB, gjë që, siç tha, “nuk është e drejtë dhe e vë mbrojtjen në disavantazh”. Ai potencoi se DMSH-ja ka 216 prova vetëm për dhe se “nuk di ku t’i gjejë” në strukturën elektronike të materialeve.

Duke vazhduar prezantimin, prokurori Darko Jakimovski theksoi se inspektimet komunale në personat juridikë të përfshirë në aktakuzë tregojnë se, megjithëse kishte vërejtje për heqjen e pajisjeve urbane, raportet e mëvonshme vazhdimisht theksonin se nuk ishte ndërmarrë asnjë veprim ndaj tyre. Në këtë reagoi avokati ndaj kësaj duke kërkuar që prokurori të mos i tregojë gjykatës se çfarë duhet të vlerësojë, pasi kjo është ekskluzivisht kompetencë e këshillit gjyqësor.

Avokati kërkoi që të mos paraqiten prova në lidhje me kafenenë, për të cilën, sipas tyre, nuk ekziston aktakuzë. Prokurori kundërshtoi duke thënë se provat ishin relevante sepse kafeneja është pjesë e të njëjtit person juridik kundër të cilit po zhvillohet procedura.

Avokati Petre Shilegov gjatë pauzës së seancës së sotme se procedura e provave vetëm sa e konfirmon qëndrimin e mbrojtjes se fushëveprimi i aktakuzës është shumë i gjerë dhe se me një konstruksion të tillë, siç theksoi ai, nuk mund të arrihet as drejtësia dhe as një vendim i drejtë.

Shilegov potencoi se në seancat e fundit gjyqësore po shqyrtohen procesverbalet për pagesën e faturave të shërbimeve në një vendndodhje krejtësisht tjetër, të cilat, sipas tij, janë absolutisht të parëndësishme për shkaqet dhe pasojat e zjarrit. Shilegov kujtoi se në fillim të gjyqit, avokati paralajmëroi se me një vëllim të tillë të aktakuzës dhe një vëllim të tillë provash, procedura do të zgjaste shumë dhe se një gjyq i tillë do t’i kushtonte shtetit mbi 100.000 euro.

Zjarri në “Puls” shpërtheu më 16 mars 2025 gjatë një performance të grupit DNK dhe konsiderohet një nga tragjeditë më të rënda në historinë e re të vendit. Me seancën e sotme vazhdon procedura e provave me dëgjimin e dëshmitarëve të propozuar nga Prokuroria, e cila përfaqësohet nga një ekip prej 15 prokurorësh publikë.

Për zjarrin në “Puls” janë të akuzuar 35 persona fizikë dhe tre persona juridikë. Ndër ta janë pronari i “Puls”, persona të afërt të tij, inspektorë të institucioneve shtetërore, ish-ministra dhe pjesëtarë të agjencisë që siguronte kabarenë dhe pronari i saj.

Në fillim të procesit gjyqësor, të gjithë u deklaruan se nuk ndihen fajtorë dhe kundërshtuan tezën se ekziston lidhje shkak-pasojë midis veprimeve të tyre dhe shkaktimit të zjarrit fatal.