Të premten do të bëhet dezinsektimi i dytë në Tetovë, Komuna apelon që qytetarët të kenë kujdes për këto gjëra
Të premten (1 shtator) në Tetovë do të realizohet dezinsektimi i dytë nga toka në për zhdukjen e mushkonjave të rritura dhe dëmtuesve të tjerë, transmeton Portalb.mk.
Komuna e Tetovës bën me dije se dezinsektimi do të kryhet në mbrëmje pas orës 22:00 deri në orët e hershme të mëngjesit, vetëm në kushte të mira atmosferike, në rast të kohës me shi ose me erë të fortë dezinsektimi do të anulohet për ditën e ardhshme ose për ndonjë ditë tjetër me kushte më të mira atmosferike.
“Për dezinsektim do të përdoret preparat i tretur në bazë të prospekteve të prodhuesit për përdorim edhe atë 50 ml/11. Andaj qytetarët të cilët merren me bletari duhet që të marrin masa mbrojtëse, që do të thotë të bëjnë strehimin e bletëve në kosheret e tyre, sigurimin e sasisë së nevojshme të ujit mbajtjen e bletëve të mbyllura minimum 5-6 orë pas trajtimit të territorit”, thonë nga Komuna e Tetovës.
Nga atje theksojnë që qytetarët mos të dalin në rrugë për aq kohë sa zgjat trajtimi i qytetit si dhe t’i largojnë veturat nga trotuaret para hapësirave të gjelbra me qëllim që ekipet të jenë në mundësi ta zbatojnë trajtimin në mënyrë të pandërprerë.