Shkëndija në krye të tabelës në Ligën e Parë, nesër do të luhet derbi i kryeqytetit

Sot u zhvilluan dy ndeshje të javës së XXVIII-të, ku Shkëndija si mysafir i Tikveshit arriti të marrë tri pikë të rëndësishme. Me këto pikë, Shkëndija ngjitet në vendin e parë me 67 pikë, e ndjekur nga Vardari me 65 pikë e një ndeshje më pak, transmeton Portalb.mk.

Vardari nesër do të luajë kundër Shkupit, ndeshje e cila do të fillojë prej orës 13:00 në fushat e Federatës së Futbollit të Maqedonisë (FFM).

Nesër do të luhet edhe ndeshja ndërmjet Pelisterit dhe Makedonija Gj.P. prej orës 15:00. Në kohë të njëjtë, të dielën do të luhet edhe ndeshja Bashkimi – Struga në Kumanovë. Të dielën, Arsimi do të përballet me Rabotniçkin në Shkup. Ndeshja do të fillojë prej orës 13:00.

ampion i Ligës së Parë në sezonin 2024/25 u shpall Shkëndija e Tetovës, ndërsa Vardari fitues i Kupës.

Në sezonin 2025/26 në Ligën e Parë luajnë Shkëndija, Struga, Shkupi, Bashkimi dhe Arsimi që u kualifikua nga Liga e Parë për herë të parë.

Në Kupën e Maqedonisë së Veriut, ndeshja e parë gjysmëfinale ndërmjet Shkëndijës së Tetovës dhe Shkëndijës së Haraçinës do të luhet në Tetovë më 22 prill, ndërsa ndeshja kthyese më 6 maj në Kumanovë. Finalja do të luhet më 20 maj. Në gjysmëfinalen tjetër do të ndeshet Ohri kundër Sileksit.