RMV, ekipi Evropa dhe OKB-ja sot do të ndajnë çmimi “Gruaja Evropiane e Vitit” 2024

Ekipi Evropa dhe OKB-ja në Maqedoninë e Veriut sot, në Ditën Ndërkombëtare të Gruas, do të ndajnë çmimin “Gruaja Evropiane e Vitit” për vitin 2024. “Gruaja Evropiane e Vitit” është një çmim i krijuar në vitin 2022 nga Delegacioni i Bashkimit Evropian për të njohur dhe promovuar barazinë gjinore dhe mundësitë e barabarta si vlera themelore të BE-së. Edicioni i dytë për vitin 2024 organizohet nën kujdesin e Ekipit Evropa dhe Përfaqësimit të OKB-së në Maqedoninë e Veriut, transmeton Portalb.mk.

Shtatë mbështetësit u bashkuan me shtatë kandidatët e nominuar – gra të jashtëzakonshme të njohura si krijuese të ndryshimit në komunitetet e tyre.

1.  Almira Faslji Muarem, aktiviste rome nga Shkupi – e përfaqësuar nga Shkëlqesia e saj, Petra Dreksler, ambasadore e Gjermanisë;
2.  Maria Duda Dibiaxhio, sipërmarrëse nga Kriva Pallanka – e përfaqësuar nga z. Bjorn Gabriel, shef i Përfaqësisë së BEI;
3. Katerina Koteska-Stisniovska, avokate nga Manastiri – e përfaqësuar nga Hoze Luis Lozano Garcia, ambasador i Spanjës;
4. Elmedina Abdullahi, aktiviste për mjedis nga Tetova – e përfaqësuar nga Sofia Filipidou, ambasadore e Greqisë;
5. Gresa Mustafai, sportiste nga Struga – e përfaqësuar nga Gregor Presker, ambasador i Sllovenisë;
6. Ana Vitanova Ringaçeva, profesoreshë universitare nga Strumica – e përfaqësuar nga Ami Larson Zhain, ambasadore e Suedisë;
7. Daliborka Zlateva, avokate për persona me aftësi të kufizuara nga Velesi – e përfaqësuar nga znj. Rosana Duxhiak, koordinatore e përhershme e OKB-së.

“Shtatë kandidatët e emëruara mund të mos jenë të njohura për publikun e gjerë; megjithatë, ata hapin shtegun dhe frymëzojnë të tjerët që të ndjekin shembullin e tyre. Si të tilla, janë nxitëse të ndryshimeve pozitive në të gjithë shoqërinë dhe për këtë arsye nominohen për çmimin nga mbështetësit e tyre. Ndërsa të gjitha elementet e mësipërme i bëjnë të gjitha ato gra evropiane të vitit, kandidatja me më shumë reagime në faqen e Delegacionit të Bashkimit Evropian në Facebook do të marrë titullin “Gruaja Evropiane e Vitit 2024” gjatë ceremonisë”, thuhet në njoftimin e Delegacionit të BE-së.

Çmimi Evropian për Gratë e Vitit është plotësues i Çmimit Evropiani i Vitit, i cili është krijuar gjithashtu nga Delegacioni i Bashkimit Evropian (që nga viti 2019). Çmimi synon të rrisë ndërgjegjësimin për pengesat ekzistuese për barazinë gjinore duke u dhënë njohje grave që udhëheqin me shembull dhe kontribuojnë për ta bërë botën më të barabartë.

Çmimi për gruan evropiane të vitit nderon barazinë dhe mundësitë e barabarta si vlerë themelore të BE-së.

• LEXO: Delegacioni i BE-së në Shkup, për herë të parë ndau çmimin “Gruaja e parë evropiane për vitin 2022”