Prokuroria nisi procedurë kundër një 19-vjeçari, kreu vjedhje biçikletash dhe trotinetësh elektrikë në qendër të Shkupit

Prokuroria Themelore Publike (PThP) Shkup ka filluar procedurë kundër një të dyshuari 19-vjeçar për veprën penale të vazhdueshme – vjedhje e rëndë dhe veprën penale – konfiskim i një automjeti, transmeton Portalb.mk.

Siç raporton Prokuroria në përshkrimin e rastit, i dyshuari ka kryer katër vjedhje të rënda të biçikletave dhe trotinetëve elektrikë në qendër të Shkupit në më pak se njëzet ditë, pra nga 22 shtatori deri më 9 tetor të këtij viti.

“Gjatë vjedhjeve, ai përdori forcë për të thyer kabllot e sigurisë që siguronin mjetet e transportit, me qëllim që t’i merrte ato”, thuhet në deklaratën e PTHP Shkup.

Në këtë mënyrë, ai fitoi dobi pasurore të paligjshme prej afërsisht 170 mijë denarësh.

Më 29 shtator, i dyshuari konfiskoi automjetin e dikujt tjetër – një moped, me vlerë 60 mijë denarë, me qëllim që ta përdorte për vozitje.

Prokurori publik i paraqiti propozim gjyqtarit të procedurës paraprake nga Gjykata Penale në Shkup për të përcaktuar masë paraburgimi për të dyshuarin, pasi kjo është e vetmja mënyrë për të siguruar praninë e tij në procedurat e mëtejshme penale.