MASh deri më tani ka paguar 48 mijë studentë, paratë për muajin janar, javën e ardhshme
Vazhdon pagesa e parave për nxënësit për muajin dhjetor 2023, si dhe për janarin 2024, dhe deri më tani janë paguar 23 mijë nxënës të shkollave fillore dhe 25 mijë të shkollave të mesme, tha Ministria e Arsimit dhe Shkencës (MASH) për Meta.mk. Nga aty shtojnë se gjatë javës së ardhshme do të zbatohen edhe disa urdhra të tjerë, transmeton Portalb.mk.
Masën me të cilën planifikohet të marrin ndihmë financiare nga 1.200 dhe 1.500 denarë për fëmijët e familjeve me të ardhura mujore jo më të larta se 50.000 denarë, duhet ta shfrytëzojnë gjithsej rreth 75 mijë nxënës të shkollave fillore dhe 30 mijë nxënës të shkollave të mesme.
“Aplikimi bëhet përmes shkollave, ndërsa pagesa bëhet me etapa pra pasi shkollat dorëzojnë të dhëna në Ministrinë e Arsimit, kështu përgatiten urdhërpagesat. Ne përballemi me një sfidë që shpesh paraqiten të dhëna të pasakta, pra llogaritë e transaksionit amë mëmë që janë të pasakta ose të mbyllura dhe kjo vonon pagesën. Këto probleme aktualisht jemi duke i tejkaluar me shkollat”, njoftojnë për Meta.mk nga Ministria e Arsimit.
Nga aty shtojnë se në buxhetin e ministrisë janë paraparë 843 milionë denarë për masa kundër krizës nga pakoja e nëntë e Qeverisë, të cilat janë të destinuara për nxënës dhe studentë.
Shkollat paraqesin listën e nxënësve që plotësojnë kërkesat dhe kanë dorëzuar dokumentet e nevojshme, sipas thirrjes publike. Lista përmban informacione për prindin/kujdestarin që paraqet aplikimin, i cili kërkohet për pagesën e fondeve.
“Gabimet në të dhënat e dërguara nga shkollat pengojnë procesin e pagesave në Ministrinë e Financave”, sqaron Ministria e Financave.
Punonjësit e Ministrisë së Arsimit dhe Shkencës janë në kontakt të vazhdueshëm me personat e shkollave, të cilët janë të ngarkuar për përzgjedhjen dhe dorëzimin e listës së nxënësve dhe të gjitha të dhënave që kërkohen për pagesën dhe së bashku korrigjojnë gabimet.
“Duke pasur parasysh numrin e nxënësve, pastrimi i të dhënave të paraqitura në bashkëpunim me shkollat për të krijuar një bazë të dhënash me të dhëna të sakta është një proces më i gjatë”, thonë nga Ministria e Arsimit.
Nëse plotësojnë kushtet dhe nëse dokumentacioni i dorëzuar është i rregullt, prindërit do të marrin para në llogaritë e tyre të transaksionit që nga muaji maj. Të drejtën e mbështetjes financiare prej 1.200 denarë për nxënësit e shkollave fillore, përkatësisht 1.800 denarë për nxënësit e shkollave të mesme, kanë edhe nxënësit e shkollave private të cilët kanë verifikim të punës nga Ministria e Arsimit dhe Shkencës.